Cristiano Ronaldo mbetet një ndër emrat më të rëndësishëm në futboll, jo vetëm për atë që i ka dhënë këtij sporti, trofetë e fituar, qofshin individual apo kolektiv, por dhe sa i përket përfitimeve ekonomike.
Portugezi, që aktualisht aktivizohet tek Al Nassr ka përfituar në vitin 2025 plot 280 milionë dollarë, sipas asaj që raportohet nga Forbes. Një pjesë e tyre vjen nga paga e lartë në ligën arabe të futbollit, ndërsa pjesa tjetër nga marketingu, ku sic dihet 40-vjecari është ndër më të kërkuarit, e si rrjedhojë edhe ndër më të paguarit.
Revolta ndaj LaLigas për ndeshjen në SHBA, futbollistët në Spanjë nisin këtë javë PROTESTËN e veçantë për…
Në vendin e dytë është Lionel Messi, të dy siç dihet janë në fund të karrierës, por paratë shkojnë në vlera të larta në llogaritë e tyre bankare. 130 milionë dollar fitime për argjentinasin e Inter Miamit, teksa në vendin e tretë renditet Karim Benzema. Ky i fundit aktivizohet tek Al Ittihad në kampionatin arab të futbollit dhe ka fituar gjatë këtij viti plot 104 milionë dollarë.
Nga Evropa vjen emri i Kylian Mbappe, një tjetër sulmues francez, ylli i Realit të Madridit që ka përfituar 95 milionë dollar, 15 më tepër se Erling Haaland i Manchester City që renditet në vendin e pestë. Mes 10 më të paguarve nuk mungojnë as Vini Jr, Bellingham apo Lamine Yamal.
