Dinamo e Zagrebit triumfoi 2:0 ndaj Hajdukut në “Poljud”, në javën e 7-të të elitës kroate. Golat u shënuan nga Arbër Hoxha (44’) dhe Monsef Bakrar (81’).
Hoxha, që startoi për herë të parë këtë sezon, u shndërrua në heroin e derbit me një gol spektakolar nga 20 metra, duke treguar pse trajneri Jakiroviç e kishte kërkuar si një “raketë” për krahun e majtë. Mediat kroate e vlerësuan si një nga më të mirët në fushë, përkrah Bakrar.
26-vjeçari nga Kosova, i transferuar te Dinamo për 1 milion euro, ka kontratë deri në 2027 dhe tashmë shihet si një aset i madh i klubit. Me 17 paraqitje për Shqipërinë, Hoxha po konfirmon potencialin e tij si një nga lojtarët shqiptarë më premtues në futbollin kroat.
