Në dy komunat në pjesën më perëndimore të vendit, Dibër dhe Qendër Zhupë, në listën e vetme zgjedhore ka më shumë votues se banorë, raporton MIA.
Në komunën e Dibrës, sipas listës së fundit ka 15.412 banorë ndërsa në listën zgjedhore janë 19.763 persona me të drejtë vote ose 4.351 persona më shumë. Në këtë komunë janë tre kandidatë për kryetar komune: Fisnik Mela nga VLEN, Iliran Fetahu nga AKI dhe Ramadan Imeri i pavarur.
Në komunën fqinje Qendër Zhupë, në regjistrim janë numëruar 3.720 banorë, ndërsa në listën zgjedhore ka 7.551 votues ose më shumë për 3.821 persona me të drejtë vote.
Për dallim nga Komuna e Dibrës, ku deri tani ishte siguruar numri i nevojshëm i votuesve, në Komunën e Qendër Zhupës, në zgjedhjet e tetorit të vitit 2021, minimumi i nevojshëm i censusit prej 1/3 ose 33 për qind nuk u sigurua. Për këtë arsye, me vendim të Qeverisë, kryetari i Komunës, Arian Ibraim u emërua si i besueshëm për kompetencat e kryetarit të komunës deri në zhvillimin e zgjedhjeve të jashtëzakonshme, në të cilat Ibraim e siguroi mandatin e dytë.
Në zgjedhjet e ardhshme në të dyja komunat ka nga tre kandidatë për kryetar komune dhe nga pesë lista kandidatësh për anëtarët e këshillave komunale.
Raundi i parë i zgjedhjeve lokale do të mbahet më 19 tetor, ndërsa raundi i dytë është planifikuar për 2 nëntor.
