Policia ka arrestuar 15 doganierë dhe një polic mbi dyshimet për shpërdorim me detyrën zyrtare dhe mitmarrje.
Sipas organit të akuzës, 14 doganierë dhe një tjetër në pension, përfshi edhe një policë në pikat doganore Novo Sellë dhe Dojran kanë marr ryshfet nga qytetarët për shërbime doganore. Aksioni është koduar me emrin “Vendkalimi”. Bëhet fjalë për ryshfet në vlerë prej 50 mijë eurove.
Nga periudha 21.03.2023 deri më 15.10.2024 të dyshuarit me paramendim kanë ndërmarrë veprime në kundërshtim me ligjin. Ata duke përdorur metodat e njëjta dhe në rrethana të njëjta, gjatë kontrolleve doganore të mallrave që janë importuar në vendin tonë, kanë kërkuar para nga transportuesit me shuma 20, 50, 70, 100 dhe 150 euro”, thuhet në njoftimin e policisë. Për disa prej tyre është kërkuar masa e paraburgimit.
Operacioni është rezultat i një procedure disamujore para hetimore që prokuroria në bashkëpunim me Departamentin për Luftimin e Krimit të Organizuar dhe të Rënda pranë Ministrisë së Punëve të Brendshme.(INA)
