Prokuroria Themelore Publike në Shkup ka hapur një procedurë hetimore ndaj dy personave, të cilët dyshohet se kanë kryer veprën penale – lëndim i rëndë trupor, përcjell TV21. Sipas njoftimit të Prokurorisë, më 10 shtator, në orët e mbrëmjes, në parkun “Gruaja luftëtare” në Shkup, të dy të dyshuarit, të moshës 44 dhe 46 vjeç, qëllimisht e kanë lënduar rëndë një person, i cili më pas ka ndërruar jetë në spital.
“Të tre ishin takuar dhe kishin pirë alkool së bashku, pas çka kishte nisur një zënkë verbale. Përleshja verbale u shndërrua në konfrontim fizik, dhe të dy të dyshuarit e kanë goditur viktimën me grushte dhe shqelma në kokë dhe trup, duke i shkaktuar lëndime të shumta. Si pasojë e plagëve të marra, viktima ndërroi jetë dy ditë më vonë në spital”, thuhet në njoftimin e Prokurorisë së Shkupit.
Ndërkaq, për rasti në fjalë nga Ministria e Punëve të Brendshme raportuan më datë 11 shtator.
“Më 10.09.2025, në orën 21:30, në SPB Shkup është raportuar se në “Parkun e Gruas” në Shkup, pas një mosmarrëveshjeje paraprake, është prishur rendi dhe qetësia publike përmes një përleshjeje fizike ndërmjet B.S. (44) nga fshati Bullaçani i Shkupit, Xh.B. (61) nga Shkupi dhe A.B. (46) nga fshati Bardovcë i Shkupit”, thuhet në njoftimin e MPB-së.
Prokuroria ka dorëzuar një kërkesë në Gjykatën Themelore Penale Shkup për caktimin e masës së paraburgimit për të dy të dyshuarit./tv21.tv
