Friemann / Shutterstock.com
Nga Olivia Logan
7 tetor 2025
Partia e Majtë (die Linke) ka paraqitur një propozim në Bundestag duke sugjeruar që qeveria gjermane të heqë kërkesat ekzistuese të punësimit për shtetësinë gjermane.
Ligji aktual i shtetësisë nuk i përmbahet Ligjit Themelor (Grundgesetz), thotë die Linke.
Më 8 tetor, Parlamenti gjerman (Bundestag) do të debatojë një propozim të Partisë së Majtë që qeveria CDU-SPD duhet të heqë kërkesat e punësimit për shtetësinë gjermane. Propozimi u dorëzua në qershor dhe tani do të përballet me leximin e dytë dhe të tretë në Bundestag, përpara se anëtarët e parlamentit të votojnë për propozimin.
Partia e Majtë argumenton se megjithëse Gjermania zgjeroi ligjin e shtetësisë në vitin 2024, shumë banorë mbeten të përjashtuar nga natyralizimi sepse nuk mund të provojnë pavarësinë e tyre financiare. Grupet e përjashtuara mundësisht përfshijnë njerëz që nuk mund të punojnë për shkak të paaftësisë ose sëmundjes së përhershme; njerëz që kujdesen për të afërmit; pensionistët që nuk janë pjesë e (Gastarbeiter),”brezit të punëtorëve të ftuar”; prindër të vetëm që nuk punojnë me fëmijë të vegjël; dhe studentë.
Aktualisht nuk ka kërkesa minimale për të ardhurat për marrjen e shtetësisë, por aplikantët duhet të dëshmojnë pavarësinë e tyre financiare. Aplikantët duhet të paraqesin fletëpagesat dhe informacionin për kostot e tyre të strehimit dhe shpenzimet e tjera, duke i lejuar autoritetet të përcaktojnë stabilitetin e tyre financiar. Aplikantët që pretendojnë ose kanë kërkuar së fundmi përfitimet e papunësisë nuk ka gjasa të miratohet aplikimi i tyre i natyralizimit.
Propozimi i Partisë së Majtë argumenton se ligji aktual i natyralizimit shkel Ligjin Bazë Gjerman (Grundgesetz), i cili përcakton trajtim të barabartë për të gjithë banorët.
Çfarë propozon e majta në vend të kësaj?
E majta propozon disa amendamente për ta bërë ligjin e natyralizimit më të drejtë. Domethënë, që natyralizimi të jetë i mundur pavarësisht nga të ardhurat, që aplikantët të mos kenë nevojë të dëshmojnë pavarësinë e tyre financiare dhe se marrësit e përfitimit të papunësisë nuk duhet të përjashtohen nga natyralizimi.
Partia propozon që ligji i natyralizimit të përcaktojë më qartë se cilat grupe kanë të drejtë të natyralizohen pavarësisht se pretendojnë përfitime shtetërore, duke përfshirë personat që janë të sëmurë kronikë, ata me aftësi të kufizuara, kujdestarët e familjes, prindërit në punë me kohë të pjesshme, kursantët dhe studentët.
Aktualisht, shumë banorë presin muaj apo edhe vite për të zbuluar nëse aplikimi i tyre për shtetësi ka qenë i suksesshëm. Die Linke propozon që të bëhet më shumë për të dixhitalizuar procedurat e aplikimit për shtetësi, për të konsoliduar procedurat nëpër shtetet federale dhe për të punësuar më shumë staf përpunues.
Përktheu: Fuat Pajaziti
