Shkruan: Bekim Saliu
Deri më tani, në asnjë komunë shqiptare nuk u nominua ndonjë grua për kryetare në zgjedhjet lokale 2025.
Jo pse s’kemi kuadro, pasi kemi gra që dinë të menaxhojnë e të udhëheqin më mirë se çdo burrë, por sepse si duket egoja mashkullore e ekskluzivitetit dhe “odave” ende s’e lëshon fronin, ndërsa partitë tona nuk po e marrin guximin. Kjo është diskriminim nën hije, hipokrizi politike dhe gabimi më i madh i shoqërisë sonë, kur dihet se gratë shqiptare kanë lënë gjurmë të pashlyera në historinë e lavdishme të kombit tonë.
Në Turqi kemi shembullin e freskët të Zeynep Çelik-ut, e cila në moshën 22-vjeçare u bë kryebashkiakja më e re e zgjedhur në vend, si kryetare e Kalkım-it, Çanakkale. Ajo përçon seriozitet, udhëheqje dinjitoze dhe është padyshim një model se si edhe ne shqiptarët duhet të ecim përpara, duke u dhënë hapësirë e besim të rinjve dhe të rejave.
*autori ish-kandidat për kryetar të komunës së Kumanovës
