Në fshatin Novosellë, vendlindjen e kandidatit për kryetar të Komunës së Zhelinës, Emir Sulejmani, kreu i Aleancës për Shqiptarët (ASH), Ziadin Sela, bashkë me ekipin e tij, u pritën me një atmosferë entuziazmi dhe besimi të plotë në fitore.
Sela theksoi se fushata po dëshmon çdo ditë se shqiptarët janë të bashkuar në synimin për ndryshim, barazi dhe dinjitet politik.
“Në Novosellë përjetuam të njëjtën atmosferë fitoreje si në çdo vendbanim tjetër që kemi vizituar. Shqiptarët nuk lejojnë nënçmimin, nuk pranojnë nënshtrimin dhe nuk e njohin frikën. Bashkë gjithkund do ta mundim diktaturën dhe do ta rikthejmë dinjitetin!”, deklaroi Sela.
Takimi në Novosellë u vlerësua si një tjetër dëshmi e mbështetjes masive që po gëzon Aleanca për Shqiptarët dhe kandidati i saj, Emir Sulejmani, i cili shihet nga qytetarët si figura e ndryshimit në Komunën e Zhelinës transmeton INA.
https://www.facebook.com/ZiadinS/posts/1340658330751726?ref=embed_post
