Kandidati i pavarur për komunën e Kërçovës, Shkodran Alili, ka njoftuar se takimi i radhës i kërçovarëve në diasporë do të zhvillohet në Vjenë.
Ngjarja do të mbahet më 4 tetor 2025, në ambientet e Shoqatës Humanitare “Kërçova”, Nordbahnanlage 9, 1210 Wien – Austri, duke filluar nga ora 19:00.
“Të gjithë bashkatdhetarët janë të mirëpritur! Ejani të takohemi, të bashkëbisedojmë dhe të ndajmë momente të veçanta së bashku”, është shprehur Alili.
Ky takim synon të afrojë komunitetin kërçovar në diasporë, duke forcuar lidhjet mes tyre dhe duke shkëmbyer ide për të ardhmen e përbashkët. (INA)
