Për shkak të mbajtjes së “Viz Er Maratona e Shkupit 2024” sot prej orës 7:00 deri në orën 14:00 një pjesë e autobusëve të transportit publik do të qarkullojnë me regjim të ndryshuar nga i zakonshmi, ndërsa disa të tjerë fare nuk do të kyçen në komunikacion. Nuk do të qarkullojnë linjat: 3, 3B, 4, 4А, 9, 16, 22A, 24, 25, 59B.
Siç kumtoi NQP “Shkup”, me trase të pandryshuar janë linjat e qytetit: 2, 2А, 8, 12, 19, 20, 45, 59 dhe 65В dhe linjat ndërurbane: 11, 11а, 18, 32, 47, 47а, 52, 53, 55, 56, 56а, 60, 61, 63, 63а, 63b, 65, 65а, 65b, 66, 66а, 68, 71, 74, 81 dhe 162.
Regjim të ndryshuar të qarkullimit do të kenë autobusët me numër 5, 7, 15, 15 А, 21, 22, 23, 27, 28, 31, 41, 51, 67, 70, 50, 50А, 57, 59, 59 А, 58, 58а dhe 58b. Regjimi i ndryshuar i qarkullimit të autobusëve është publikuar në ueb-faqen e NQP “Shkup”.
“I përkujtojmë të gjithë pjesëmarrësit se në ditën e maratonës do të mund ta shfrytëzojnë pa pagesë transportin publik me tregimin e numrit startues (fanellë)”, thuhet në kumtesën e NQP “Shkup”.
MPB informon se sot prej orës 8:00 për shkak të mbajtjes së “Viz Er – Maratona e Shkupit 2024”, Njësia për siguri në komunikacionin rrugor pranë SPB SHkup do të ndërmarrë masa për regjim të posaçëm, përgjatë dhe në afërsi të rrugëve ku do të lëvizin garuesit.
“Ngjarja do të zhvillohet me trasetë në vijim të lëvizjes: Traseja e lëvizjes së garës prej 5 km – Starti afër Kuvendit të RMV-së, drejt nëpër rr.”11 Tetori”, në të majtë nëpër bul.”Republika e Krushevës”, në të djathtë nëpër bu.”Brigada e tretë maqedonase”, gjysmërreth në udhëkryqin mes bul.”Brigada e tretë maqedonase” dhe rr.”Kosta Novakoviq” dhe nëpër trasenë e njëjtë prapa deri tek caku – sheshi “Maqedonia” në rr.”11 Tetori””, kumtoi MPB.
