Prodhuesi zviceran i orëve Swatch ka bërë një protestë të pazakontë kundër tarifës prej 39 përqind të SHBA-së, duke lansuar një seri të veçantë orësh me numrat 3 dhe 9 të ndërruar vendet.
Ora, me çmim 139 franga zvicerane, do të jetë e disponueshme vetëm në vend dhe nuk do t’i nënshtrohet tarifave doganore, tha Swatch, duke shtuar se shpreson që seria të jetë e kufizuar.
Për shkak të tarifës prej 39 përqind të vendosur nga Shtetet e Bashkuara ndaj Zvicrës muajin e kaluar, kompania do të rrisë çmimet e produkteve të saj në tregun amerikan me pesë deri në 15 përqind, tha drejtori ekzekutiv i Swatch, Nick Hayek, raporton Reuters.
Përpjekjet e presidentes zvicerane Karin Keller-Suter për të arritur një marrëveshje, për të ulur tarifat për importet zvicerane në SHBA gjatë muajit të kaluar kanë dështuar dhe tarifat amerikane për mallrat zvicerane mbeten ndër më të lartat në Evropë.
Sekretari i Tregtisë i SHBA-së, Howard Lutnick, është megjithatë i bindur se të dy vendet së shpejti do të arrijnë një kompromis.
