Ukraina do të hapë këtë vit zyra në Berlin dhe Kopenhagë për prodhimin e përbashkët të armëve dhe eksportin e tyre në vende të treta, deklaroi mbrëmë presidenti Volodymyr Zelensky.
Kievi po zgjeroi industrinë e vet mbrojtëse me ndihmën e partnerëve perëndimorë, ndërsa po hyn në vitin e katërt të mbrojtjes nga agresioni rus.
Zelensky njoftoi se Ukraina do të jetë në gjendje të eksportojë dronë detarë dhe sisteme artilerie.
“Bëhet fjalë për prodhim dhe eksport të përbashkët të armëve që ne mund t’i shesim, në mënyrë që të sigurojmë më shumë fonde për prodhimin e brendshëm të armëve që na mungojnë dhe nuk mund t’i përballojmë,” tha Zelensky.
Ukraina vazhdon të varet nga aleatët për armë të tilla si aeroplanë luftarakë dhe sisteme të mbrojtjes ajrore, por ka bërë përparim të konsiderueshëm në zhvillimin e dronëve dhe raketave.
Presidenti shtoi se deri në fund të vitit, Ukraina planifikon të fillojë prodhimin masiv të raketave “Flamingo” dhe “Ruta”.
