Kandidati i VMRO-DPMNE-së për Komunë e Kavadarit Mitko Jançev premtoi sistem gazifikimi dhe ngrohje për komunën për mbrojtje më të madhe energjetike. Në katër vitet e ardhshme ai premtoi se do të asfaltohen të gjitha rrugët e komunës dhe do të ndërtohen rrethrrotullime që janë premtuar me vite dhe nuk janë realizuar. Jançev u zotua edhe për ndërtimin e një shtëpie pleqsh .
“Para jush zotohem se do të vazhdoj me të njëjtin ritëm dhe dinamikë, me të njëjtën energji për zgjidhjen e të gjithë problemeve tuaja, për plotësimin e kërkesave tuaja, për jetë më të mirë sociale, për standard më të mirë dhe para së gjithash për punë të ndershme dhe të përgjegjshme në Komunën e Kavadarit. Kavadari meriton dhe ne presim të ketë rezultat më të mirë dhe vepra më të mira. Në vend të akuzave politike, ne nuk bëjmë fushatë të zezë, ne premtojmë, plotësojmë dhe bëjmë programe. Ndërtimi i pistës së re të skijimit. As që ishte menduar se Kavadari mund të kishte zonë skijimi”, deklaroi Mitko Jançev, Kandidat i VMRO-DPMNE-së për Kavadarin. /Alsat.mk
