Kandidati i Aleancës Kombëtare për Integrim (AKI) për komunën e Sarajit, Blerant Ramadani, ka theksuar rëndësinë e përfshirjes së bashkëqytetarëve nga diaspora në proceset vendimmarrëse për komunën.
Ai ka njoftuar se Zyra për Diasporën do të jetë një derë gjithmonë e hapur, ku mërgimtarët do të kenë mundësi të kontribuojnë me ide dhe projekte konkrete për zhvillimin e Sarajit.
“Diaspora është pjesë e pandashme e Sarajit dhe do të ketë zërin e saj në çdo hap të zhvillimit tonë,” theksoi Ramadani.
