Pas raundit të parë nga zgjedhjet presidenciale në Maqedoninë e Veriut, Vlora Çitaku nga PDK thotë se pas ndërhyrjeve të njëpasnjëshme në Shqipëri, Preshevë e Mal të Zi, mësimi kryesor që duhet ta marrë kryeministri i Kosovës, Albin Kurti, është që të mos përzihet aty ku nuk e ka vendin.
Reagimi i plotë i Çitakut:
Mësimi kryesor që duhet ta marrë Kryeministri i Kosovës nga zgjedhjet në Maqedoninë e Veriut, pas ndërhyrjeve të njëpasnjëshme
në Shqipëri, Preshevë, e Mal të Zi, është mos të përzihet aty ku nuk e ka vendin.
Mandatin e ka fituar për Kryeministër të Kosovës, jo për sundimtar të shqiptarëve.
Tash Albin, eja flasim për inflacionin, koston e papërballueshme të jetesës në Kosovë, rritjen e çmimit të energjisë, mungesën e projekteve zhvillimore, korrupsionin serioz në nivelet më të larta të qeverisjes ( sipas raportit të Departamentit të Shtetit ), ndërhyrjen e qeverisë në sistemin e drejtësisë, ngulfatjen e lirisë së mediave ( raporti i Freedom House ), asociacionin me kompeteca ekzekutive, sanksionet e BE, etj etj.
Apo këto janë tema të vogla për ju?!
Kryeministër, ju jeni zgjedhur që ta qeverisni Kosovën, jo t’i përçani shqiptarët gjithandej.
