Arben Fetai, shefi i kabinetit të kryetarit të ASH-së dhe kandidatit për president, Arben Taravari ka komentuar votat e fituara të koalicionit VLEN me kandidatin Taravari në komunën e Likovës përballë koalicionit Fronti Evropian.
“3.977 herë faleminderit banorëve të komunës së Likovës që me votën e tyre të pastër, i thanë mjaft shantazhit, kërcënimit, blerjes dhe hajnisë.
Në zgjedhjet parlamentare të 8 majit numri i qytetarëve të lirë që kërkojnë ndryshim do të rritet edhe më tej, si në Likovë, ashtu edhe në njësinë 2 e në të gjitha vendbanimet shqiptaret.
VLEN do ta bëjë qeverinë e ardhshme sepse legjitimiteti ynë buron nga shqiptarët e vetëm nga shqiptarët, jo nga amalgamet larmane të bazuara në interesa të ngushta personale”, ka shkruar Fetai.(INA)
