Botuesja e gazetës “Koha Ditore” në Prishtinë, Flaka Surroi në një shkrim autorial me titull “Bota serbe” ka adresuar kritika në adresë të kryeministrit të Shqipërisë, Edi Rama.
Ajo thotë se, roli i tij si kryeministër duhet të jetë: mbrojtja e interesave të kombit shqiptar në të gjitha trojet.
“… Rama foli edhe në emër të kombit. Tha se këtë po e bënte për kombin, porse kombin nuk e pyeti fare nëse po ky komb donte që ky të merrej me ajkën juridike për një pjesë të kombit. Por, Rama e ka edhe një copëz kombi në Luginë – më mirë ta kishte shkruar në draftstatut për luginasit. Fundja, ky do të duhej të ishte roli i tij i vërtetë: i mbrojtësit të interesave të kombit para dostit të tij, Vuçiqit. Por jo, u mor me draftstatutin për një copë territori të Kosovës, pa e pyetur askënd në Kosovë. Apo ndoshta edhe e ka pyetur ndonjë këshilltar tijin që i ka thënë se kështu duhet…”, ka shkruar ajo. (INA)