Prokuroria Speciale ka dhënë detaje për aksionin e sotëm të zhvilluar në 12 lokacione, në pronat e 11 personave, të cilët dyshohet se në në cilësinë e personave zyrtar kanë kryer veprat penale “Keqpërdorim i pozitës apo autoritetit zyrtar“, “Lidhja e kontratës së dëmshme” dhe “Mashtrimi”.
Sipas prokurorisë, bëhet fjalë për personat e dyshuar me inicialet: H.H, V.M, D.K, L.M, XH.L, A.J, G.SH, B.P, A.M, B.B dhe D.B.
Prokuroria njofton se në këto lokacione janë sekuestruar prova materiale si: “17 dosje dhe dokumente që ndërlidhen me rastin, 6 laptop, 2 shtëpiza, 11 telefona, 2 sim card dhe 6 usb”.
Sipas prokurorisë, “ekziston dyshimi i arsyeshëm se është keqpërdor detyra zyrtare, nga zyrtarët e përfshirë në këtë proces, nga faktet se si janë zhvilluar procedurat e përshpejtuara për ndërtimin e katër objekteve afariste dhe banesore, vlera e të cilave kalon njëqindenjëzet milion (120.000.000) euro”.
