Moti sot do të jetë pjesërisht i vranët me reshje të kohëpaskohshme shiu, ndërsa në zonat malore me borë. Lokalisht reshjet do të jenë të rrëmbyeshme, të pasuar me bubullima të rralla. Do të fryjë erë e lehtë deri në mesatare nga drejtimi veriperëndimor. Temperatura minimale do të jetë në interval prej 5 deri në 10 gradë, ndërsa maksimalja do të arrijë nga 11 deri në 18 gradë Celsius.
Në Shkup do të mbajë mot me vranësira të pjesshme me reshje të kohëpaskohshme shiu. Në fund të ditës reshjet e shiut do të ndalen. Do të fryjë erë e dobët deri në mesatare nga drejtimi verior. Temperatura minimale do të zbresë deri në 8 gradë, ndërsa ajo maksimale do të arrijë në 15 gradë Celsius.
Sipas njoftimeve të Drejtorisë për Punë Hidrometeorologjike (DPHM), nga nesër do të ketë një periudhë me mot kryesisht stabil dhe më të ngrohtë me rritje të temperaturave të ajrit.
