Në UT u promovua libri “Enciklopedia imagjinare – postroman” i autorit Prof. Dr. Bajram Kosumi

ina-online
ina-online

11/03/2024

Në Universitetin e Tetovës u bë promovimi i librit “Enciklopedia imagjinare – postroman” i autorit Prof. Dr. Bajram Kosumi. “Enciklopedia imagjinare – postroman” i autorit Prof. Dr. Bajram Kosumi është eksperiment i madh me letërsinë: me zhanrin letrar, me tematikën dhe me tipin e ligjërimit. Ndryshimi shfaqet që në titull i cili përmban një element shkencor – enciklopedinë dhe një element artistik – imagjinatën.

Në promovimin e kësaj vepre ishin të pranishëm një numër i madh personalitetesh nga jeta akademike intelektuale e shoqërore.
Pjesëmarrësve në këtë promovim, me fjalë rasti iu drejtua Rektori i Universitetit të Tetovës Prof. Dr. Jusuf Zejneli i cili fillimisht falënderoi autorin e librit për kontributin e që ka dhënë në botimin e kësaj vepre të veçantë dhe njëkohësisht falënderoi atë për përzgjedhjen që ka bërë që librin e tij ta promovojë para studentëve dhe profesorëve të Universitetit të Tetovës

Për rëndësinë, përmbajtjen dhe mesazhin që përcjell libri folën recensentët e librit.
Prof. Dr. Agim Vinca tha se “Enciklopedia imagjinare” është një vepër që vlen të lexohet madje edhe të rilexohet si për shkak të përmbajtjes së saj ashtu edhe për hir të rrëfimit të shkathët dhe është sikur të hysh në një pyll të madh dhe të dendur ku në çdo hap sheh peizazh mahnitës, por edhe skena dhe pamje të frikshme.

Ndërsa Prof. Dr. Ismail Syla u shpreh se në këtë libër elementi enciklopedik shpërfaq një mendim të thellë për njerëzit, veprimet, proceset dhe për shfaqjet psikologjike, sociale e historike në jetën e ishullarëve ndërsa elementi imagjinar shpërfaq një botë pa kufi, të njëmendësisë e të nënvetëdijes, të historisë e të imagjinatës, në tri kohë, ku jetojnë dhe lënë gjurmë ishullarët.

Vlerësime për librin e Prof. Dr. Bajram Kosumit bëri edhe Prorektori për Bashkëpunim Ndërkombëtar i Universitetit të Tetovës Prof. Dr. Salajdin Salihi. Ai ndër të tjera theksoi: “‘Enciklopedia imagjinare’ është shkruar me mendje, shpirt, dhembje dhe me doza humori. Është libër që nuk shërben si referencë për studime shkencore dhe as për të bërë karrierë akademike. Ky është libër për ata që e duan diçka pa interes, ashtu sikurse Kanti e përkufizoi të bukurën.Tani e tutje e kam edhe një shkrimtar të preferuar: ai është Bajram Kosumi.”

Ndërsa autori i librit, Prof. Dr. Bajram Kosumi u shpreh se e vetmja gjë që nuk mundet askush të ta marrë, është koha. Ai theksoi: “Ky është koncepti themelor i këtij libri, koha është jotja, ti je mbreti i kohës sate. Dhe nëse ti e gjen çelësin ta shfrytëzosh kohën tënde, ti je gjeniu, ti je fitimtar. Ti e fiton edhe burgun, edhe robërinë, sepse ne tentojmë të mos harrohemi. Unë erdha në përfundim se çdo fjalë mund të jetë një çelës, dhe mund të jetë fjala kyçe e vetë jetës së njeriut.”

TË FUNDIT

ME TE LEXUARA

LEXO MË SHUMË

menduh thaci

Thaçi: Na duhet mbi 150 mijë vota për Bujarin.

Maksim Dimitrievski

Dimitrievski: Nuk i sulmojmë subjektet politike, zhvillojmë fushatë pozitive

ministria-e-kultures-

3000 punonjës pa paga, protestë para Ministrisë së Kulturës

IMG_1265

Sondazhi i IRI: Serbia aleati më i rëndësishëm për qytetarët maqedonas, Bullgaria, Rusia dhe Kosova shihen si kërcënim

ASH

ASH: Mickoski konfirmoi se po përgatitet një front anti BE dhe NATO

kandidatet president maqedoni zgjedhjet

Edhe 4 ditë deri në përfundim të fushatës për zgjedhjet presidenciale, ja çfarë premtojnë e për çfarë akuzojnë kandidatët

Mickoski

Mickoski premton pajtimin dhe bashkimin kombëtar maqedonas

FILIPCE-768x507-1

Filipçe: VMRO-DPMNE i gënjen qytetarët! Misajllkovski: Jam optimist për zgjidhje më të mirë për BE

fatmir besimi

Besimi: Deri në vitin 2028 paga mesatare 900-1000 euro

INFO

NA NDIQ