Një tentativë arratisjeje e shpejtë ka ndodhur mëngjesin e sotëm, kur drejtuesi i një veture me targa italiane i është shmangur një postblloku të policisë në Goldene Bremm (A6)
Shoferi përshpejtoi mjetin e tij në 200 km/h, duke shpërfillur kufijtë e shpejtësisë dhe për pak duke shkaktuar një aksident, transmeton portali Shtegu. Ai la autostradën në dalje të Fechingenit në drejtim të Brebach dhe ndaloi veturën në rrugën e hapur për të vazhduar arratisjen në këmbë.
Megjithatë, oficerët e policisë së Komisariatit Federal të Policisë Saarbrücken arritën ta ndalonin shpejt shtetasin shqiptar dhe ta arrestonin përkohësisht. Fatmirësisht nga aksioni i guximshëm nuk ka persona të lënduar. Hetimi është në vazhdim.
