Gjykata Penale Ndërkombëtare në Hagë ka lëshuar një urdhër arresti për presidentin rus Vladimir Putin për krime lufte në Ukrainë.
Por Putini nuk mund të ekstradohet sepse Rusia nuk është nënshkruese e Traktatit për krijimin e Gjykatës Ndërkombëtare Penale.
Kremlini deklaroi se Rusia nuk e njeh juridiksionin e kësaj gjykate dhe për këtë arsye vendimet e gjykatës janë të pavlefshme në këtë vend.
Avokati i njohur me origjinë nga Manastiri, Toma Fila, tha për “Telegraf” se obligim për ekstradimin e të dyshuarve për krime lufte kanë vetëm shtetet nënshkruese të Marrëveshjes.
“Por kjo nuk është e mundur në këtë rast.E vetmja gjë që mund të ndodhë është që të përsëritet skenari serb si në rastin e Millosheviqit”, beson Fila.
Përveç një urdhër-arresti për Putinin, një urdhër arresti është lëshuar edhe për Komisioneren e tij për të Drejtat e Fëmijëve, Maria Alekseevna Lvova-Belova, për shkak të dëbimit të paligjshëm të fëmijëve ukrainas.
Sipas gjykatës, “ka arsye për të besuar se secili prej të dyshuarve mban përgjegjësi për krime lufte si deportimi i paligjshëm i qytetarëve të Ukrainës dhe dëbimi i paligjshëm i banorëve të territoreve të okupuara të Ukrainës dhe Federatës Ruse, në dëm të Fëmijët ukrainas”.(INA)
