Zëvendësministrja e Transportit dhe Lidhjeve, Kaltrina Zekolli Shaqiri, ka reaguar ashpër ndaj kritikave të adresuara ndaj saj dhe qeverisë aktuale, duke akuzuar ish-pushtetarët se për dy dekada kanë përfituar nga emri dhe sakrifica e UÇK-së, ndërsa kanë lënë pas dore banorët e Lubotenit.
“Sot kur ne po realizojmë ato që ju nuk i bëtë kurrë, ju guxoni të flisni për moral e patriotizëm. Vizita jonë në Luboten nuk ishte fushatë, por inspektim i punimeve për projektet jetike që përfshijnë rrjetin e ujësjellësit dhe kanalizimit,” deklaroi Shaqiri.
Ajo theksoi se për 20 vite askush nuk ka bërë as minimumin për t’i siguruar kushte bazike të jetesës banorëve të kësaj zone që ka mbajtur barrën e historisë kombëtare.
“Në vetëm një vit e gjysmë pune, ne kemi kaluar nga fjalët në vepra. Nga premtimet e pambajtura, në projekte të përfunduara. Populli tashmë e sheh ndryshimin në çdo komunë ku jetojnë shqiptarët,” shtoi ajo.
Në fund, Shaqiri u shpreh se patriotizmi nuk matet me deklarata, por me punë konkrete për njerëzit, duke theksuar se më 19 tetor qytetarët do ta tregojnë vetë këtë me votën e tyr
