Një aksident fatal ka ndodhur mëngjesin e sotëm në rrugën magjistrale në Kërçovë.
Sipas raportit të parë të policisë, aksidenti ka ndodhur mëngjesin e sotëm në ora 04:50 në rrugën “Rruga Magjiatrale”në Kërçovë, kur ka ndodhur përplasja fatale mes një makine “Peugeot” me targa regjistrimi të Kërçovës e drejtuar nga S.I.(19) nga Kërçova dhe një makine tjetër “Volkswagen Golf” me targa të Kërçovës, e drejtuar nga K.E.(32) nga fshati Trapçin Doll i Kërçovës.
“Nga plagët e marra ka ndërruar jetë në vendin e aksidentit shoferi K.E. dhe pasagjeri i tij A.S.(20) nga fshati Trapçin Dol, ndërsa shoferi S.I. nuk ka mundur të u mbijetoj plagëve të marra dhe ka ndëruar jetë gjatë rrugës për në kompleksin klinik “Nënë Tereza” në Shkup”, thonë nga SPB Ohër.
Me plagë të rënda kanë mbetur 19-vjeçari TS. nga Kërçova, V.P.(21) nga fshati Podvis i Kërçovës, P.K.(21) nga Kërçova dhe një i mitur nga Kërçova, të gjithë pasagjerë në automjetin Peugeot. Ekipet policore dhe prokurorët po kryen ekspertizën në vendin e ngjarjes. (INA)
