Çmimet mbeten në “qiell” , shporta konsumatore për një familje 51 mijë denarë

Picture of Iliria News Agency
Iliria News Agency

10/01/2023

Shpenzimet mujore për një familje katër anëtarëshe në janar të 2023 janë rritur për rreth 19,425 denarë më shumë, krahasuar me janarin e vitit të kaluar. Sipas Lidhjes së Sindikatave vjet në janar nevojiteshin 31.811 denarë për shportën e konsumatorit, ndërsa në mes të vitit 2022 arriti në 43.163 denarë, që në dhjetor të mbërrij në 51.234 denarë. Qytetarët akoma nuk po e rimarrin veten nga shpenzimet e festave të fund vitit, megjithëse sivjet ishin më duar shtrënguar. Por, nga LSM-ja thonë se përballja e vetme e krizës ekonomike do të jetë rritja e përshtatshme e pagave.

“Vjet ndikuam në rritjen e pagës minimale në 18.000 denarë, dhe aty ku kemi sindikata në sektorin privat, pagat menjëherë janë përshtatur me rritjen e pagës minimale përmes dialogut social, por fatkeqësisht, në sektorin publik situata ishte ndryshe dhe më së shumti Qeveria diskriminoi punonjësit e saj dhe pas presionit nga greva e përgjithshme e organizuar nga LSM filloi t’i rriste pagat e punonjësve por pa kriter”, njoftojnë nga Lidhja e Sindikatave të Maqedonisë.

Ndërkohë sipas Bankës Popullore të Maqedonisë këtë vit planifikohet të ketë inflacion deri në 9%, kurse mesatarja e inflacionit për 2022 ishte 14,3%. Qeveria, nga ana tjetër, gjatë propozim-buxhetit parashikoi inflacion prej 7.1%. Kurse, parashikimet e FMN-së janë se viti 2023 do të jetë një vit i vështirë dhe 1/3 e ekonomisë botërore do të jetë në recesion. Për krahasim, inflacioni në Eurozonë vjet ishte mesatarisht 10,6%. Norma e inflacionit në Gjermani, pas 11.6% në tetor, u ul në 11.3% në muajin nëntor. Në Maqedoni, inflacioni në tetor ishte 19,8%, ndërsa në nëntor u shënua një rënie e lehtë në 19,5%.

“Banka Popullore ka rritur disa herë normën bazë të interesit gjatë periudhës së kaluar. Me ndryshimin e fundit që nga mesi i nëntorit, tani qëndron në 4.25%. Ne prezantuam edhe masa të tjera për të frenuar inflacionin që supozohej të ulnin konsumin. Inflacioni është përshpejtuar muajt e fundit, nga të cilat 75% është ende rezultat i rritjes së çmimeve të produkteve ushqimore të importuara dhe energjisë elektrike”, njoftojnë nga Banka Popullore e Maqedonisë.

Sipas të dhënave të Bankës Botërore, eksporti dhe importi i përgjithshëm i mallrave dhe shërbimeve të Maqedonisë është 148% e Prodhimit Bruto Vendor tonë, kur në 27 vendet e BE-së mesatarja është 97%, SHBA vetëm 26%. Maqedonia, një vend me të ardhura të ulëta, pas tre dekadash nuk shkëputet dot nga ato pak vende që mbeten në fundin e listës evropiane. Shpenzimet e një familje mesatare për ushqim dhe energji në këto vende përbëjnë një përqindje dukshëm më të lartë të shpenzimeve totale mujore. Për shembull, në Maqedoni me mbi 50%, ndërsa në BE shpenzohen vetëm rreth 35% e të ardhurave të tyre./

TË FUNDIT
5 orë
Ariu mbyti dhe i ngrëni disa dele në Raven të Gostivarit
5 orë
“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem
7 orë
Lëvizja BESA vendosi për ministrat dhe zvministrin
8 orë
Gashi takohet me presidenten e Kosovës Vjosa Osmani
9 orë
Tetovë, mosmarrëveshje mes myftineve për kurbanet

ME TE LEXUARA

10 orë
Jeton Shaqiri tregon se çka ka nënshktuar për Universitetin Ndërkombëtar të Strugës
20 orë
Moti me diell dhe shumë i ngrohtë, temperatura deri në 38 gradë
16 orë
Tani shkencat mjekësore mund ti kryeni edhe në universitetin e njohur si i Ramiz Merkos, lejen ia ka dhënë ministri në ikje i BDI-së
9 orë
Anketa e NDI në Kosovë: VV prinë, por ja si radhiten partitë e tjera
20 orë
Mos-deklarimi i pronës, Antikorrupsioni ndërpret mbi 20 procedura të zyrtarëve
15 orë
Ndalohet një shtetas turk në “Deve Bair”, kapet me dokumente të falsifikuara

LEXO MË SHUMË

ariu

Ariu mbyti dhe i ngrëni disa dele në Raven të Gostivarit

IMG_2967

“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem

IMG_2962

Lëvizja BESA vendosi për ministrat dhe zvministrin

IMG_2961

Gashi takohet me presidenten e Kosovës Vjosa Osmani

kurban dashi

Tetovë, mosmarrëveshje mes myftineve për kurbanet

kuvendi parlamenti

Ligji për Vetqeverisjen Lokale/ Fronti Evropian dhe LSDM-ja nuk mbështesin ndryshimet e ligjit!

partite kosove

Anketa e NDI në Kosovë: VV prinë, por ja si radhiten partitë e tjera

uns struge jeton shaqiri merko

Jeton Shaqiri tregon se çka ka nënshktuar për Universitetin Ndërkombëtar të Strugës

server

Server: Nuk zbutet Vuçiqi që ka pasur mentor Millosheviçin/ Ja pse përmend “Serbinë e madhe”

INFO

NA NDIQ