Ministri i Ekonomisë dhe Punës, Besar Durmishi thotë se masat e qeverisë po japin efekt, përcjell TV21. Durmishi tha se këtë po e vërteton edhe përllogaritja e shportës së konsumit nga ana e sindikatave, ku sipas tij ka ulje në çmimin e pijeve dhe ushqimit për 935 denarë.
“Kjo masë ka dhënë efekt. Për produkte të caktuara çmimet janë ulur nga 5% deri në 10%. Ka prodhime të caktuara ku çmimet janë ulur shumë pak ose aspak, si psh, buka, qumështi, etj. Kishte edhe… vaji për gatim, por kishte edhe prodhime ku çmimet u ulën për 10%, siç është mishi, zarzavatet, perimet, prodhimet e qumështit, kaçkavalli, djathi, etj. Atë e tha edhe sindikatat, sipas tyre shporta sindikale në tetor, çmimet për ushqim dhe pije janë ulur për 935 denarë, mos ta gaboj numrin. Ata e publikuan këtë lajm, kështu që vendimet e qeverive japin rezultate dhe kjo ndjehet në xhepin e qytetarit. Kështu që kur do të përfundojë kjo masë, nëse kemi rritje drastike të çmimeve muajin e ardhshëm, do të miratojmë masa më të rrepta. Morëm vendim për pajisjet shkollore, morëm vendime për shportën e shpenzimeve të vjeshtës, nëse i marrim analizat e këtyre dy masave, i bie diku 3000 denarë më lirë për çdo familje”, tha mes tjerash Durmishi.
