DW/ Kosova: Përgjegjës Beogradi për dështimin e votimeve në veri

Picture of INA
INA

22/04/2024

Vetëm disa qindra qytetarë serbë, nga rreth 45 mijë me të drejtë vote, morën pjesë në referendumin në katër komunat në veri të Kosovës që për synim kishte largimin e kryetarëve shqiptarë. Por pas thirrjes së Listës Srpska për bojkot, serbët e veriut e bojkotuan pothuaj tërësisht referendumin dhe KQZ pas mbylljes së vendvotimeve e shpalli atë të dështuar. “Andaj konstatojmë se iniciativa qytetare për largimin e kryetarëve të komunave Leposaviç, Zubin Potok, Zveçan dhe Mitrovicë e Veriut ka dështuar”, tha kryetari i KQZ-së, Kreshnik Radoniqi.

Lista Srpska në muajin janar të këtij viti kishte marrë pjesë në mbledhjen e nënshkrimeve për mbajtjen e referendumit në Mitrovicë të Veriut, Zveҫan, Leposaviq dhe Zubin Potok, por vetëm disa ditë para referendumit të së dielës, ajo bëri thirrje për bojkot, thirrje kjo që u dëgjua nga serbët.

Kosova bën përgjegjëse presionin e Beogradit për dështimin e votimeve

Presidentja e Kosovës, Vjosa Osmani pas dështimit të referendumit, tha se Kosova i dha qytetarëve të komunave të veriut mundësinë që t’i largojnë kryetarët aktualë dhe t’i zgjedhin kryetarët e rinj, por qytetarët në masë të madhe nuk e shfrytëzuan këtë mundësi. “Për fat të keq, kjo kryesisht ndodhi për shkak të presionit të Beogradit të ekzekutuar nga Lista Serbe dhe strukturat ilegale kriminale. Edhe njëherë, Serbia kreu ndërhyrje të paligjshme në një proces zgjedhor të një shteti tjetër. Edhe njëherë, Vuçiçi shkeli fjalën që ua kishte dhënë partnerëve ndërkombëtarë”, shkroi Presidentja në profilin e saj social. Presidentja Vjosa Osmani, shkroi më tej se “me organizimin e procesit të sotëm, Kosova i ka plotësuar të gjitha kushtet e kërkuara nga Bashkimi Evropian dhe masat kundër Kosovës të hiqen menjëherë”

Kryeministri i Kosovës, Albin Kurti, nga ana e tij, tha se “rezultatet e votimit për shkarkim ose jo të kryetarëve shqiptarë në katër komunat me shumicë serbe, tregojnë se nuk ka vullnet për t’i shkarkuar kryetarët aktualë”. “20% të votave të mbledhura nga Lista Serbe për peticionin, për të iniciuar këtë proces, nuk rezultuan më shumë se aq. Serbia e ka parë që mund t’i mbledhë 20% por jo edhe 50%”, shkroi kryeministri.

Reagime pas dështimit të votimeve në veri pati edhe nga SHBA. Shtetet e Bashkuara të Amerikës, shprehën keqardhje për vendimin e Listës Serbe dhe figurave tjera politike serbe në Kosovë, që nuk morën pjesë në procesin e votimit për largimin ose jo të kryetarëve shqiptarë nga katër komunat në veri të Kosovës. “Përmes pjesëmarrjes në votim, serbët kanë mundur të avancojnë në demokraci efektive dhe përfaqësuese. Pjesëmarrja demokratike ndihmon që udhëheqësit të jenë përfaqësues të popullatave, të cilave u shërbejnë. Votimi është e drejtë kyçe në shoqëritë demokratike”, tha ambasada amerikane në reagimin e saj.

Lista Srpska përshëndet unitetin mes serbëve

Partia më e madhe e serbëve, Lista Srpska që e ka mbështetjen e Beogradit, tha pas mbylljes së vendvotimeve, “të dielën është treguar shkallë e lartë e unitetit të popullit serb”.”Më 21 prill është dëshmuar se nuk janë Lista Serbe dhe Serbia që po frikësojnë serbët, por kryeministri i Kosovës, Albin Kurti dhe njësitë e tij ilegale parapolicore, që kanë rezultuar me rrugë të zbrazëta në veri”, thuhet në një komunikatë të Srpska-as.

Mitrovica e Veriut, Zubin Potoku, Leposaviçi dhe Zveçani, aktualisht udhëhiqen nga kryetarë shqiptarë të dalë nga zgjedhjet e 23 prillit të vitit të shkuar, zgjedhje këto të cilat u bojkotuan nga partitë politike serbe. Aktualisht është e paqartë se çfarë do të ndodhë pas dështimit të referendumit të datës 21 prill, meqë një i till, nuk mund të organizohet më para se të kenë kaluar 12 muaj të plotë.

TË FUNDIT
12 orë
Avancimi i statusit të Kosovës në Asamblenë Parlamentare të NATO-s, deklaratat dhe roli i këtij institucioni
20 orë
Analisti kosovar i'a përplas në fytyrë Haradinajt: Edhe baballarët e gjyshërit tanë sikur Kurti ishin në burgjet serbe, a me thënë të gjithë janë rekrutu?!
20 orë
28 baza ushtarake e 20 të xhandarmërisë serbe, jo shumë larg kufirit me Kosovën, ja kush alarmon
20 orë
Serbia ka blerë vota për të votuar kundër Rezolutës për Srebrenicës
23 orë
Deputeti Hisen Berisha prish aleancat serbo-arabe dhe rikthen Kosovën në qendër të vëmendjes

ME TE LEXUARA

1 ditë
Osmani: Votimi në NATO, hap i rëndësishëm për fatin e Kosovës
1 ditë
Kurti në hapjen e edicionit të 21-të të Javës së Bibliotekës
24 orë
Kadri Veseli flet në Hagë: Gjykimi të bëhet në kohë të arsyeshme, të mos cenohet besimi i popullit të Kosovës
23 orë
Deputeti Hisen Berisha prish aleancat serbo-arabe dhe rikthen Kosovën në qendër të vëmendjes
20 orë
Serbia ka blerë vota për të votuar kundër Rezolutës për Srebrenicës

LEXO MË SHUMË

asambleja parlamentare nato

Avancimi i statusit të Kosovës në Asamblenë Parlamentare të NATO-s, deklaratat dhe roli i këtij institucioni

raci haradinaj

Analisti kosovar i’a përplas në fytyrë Haradinajt: Edhe baballarët e gjyshërit tanë sikur Kurti ishin në burgjet serbe, a me thënë të gjithë janë rekrutu?!

kufiri ushtria serbe

28 baza ushtarake e 20 të xhandarmërisë serbe, jo shumë larg kufirit me Kosovën, ja kush alarmon

vucic okb

Serbia ka blerë vota për të votuar kundër Rezolutës për Srebrenicës

hisen berisha

Deputeti Hisen Berisha prish aleancat serbo-arabe dhe rikthen Kosovën në qendër të vëmendjes

kadri

Kadri Veseli flet në Hagë: Gjykimi të bëhet në kohë të arsyeshme, të mos cenohet besimi i popullit të Kosovës

kurti arsim sinani

Kurti në hapjen e edicionit të 21-të të Javës së Bibliotekës

vjosa osmani

Osmani: Votimi në NATO, hap i rëndësishëm për fatin e Kosovës

Asambleja Parlamentare e NATO-s miraton avancimin e statusit të Kosovës

INFO

NA NDIQ