Kryetari i Lëvizjes BESA, Bilall Kasami ka prezantuar një prurje të radhës në këtë subjekt politik.
Sipas tij, Muhamed Beqa, nga Çairi, prej sot do të jetë pjesë e Kalasë së Shpresës dhe Dinjitetit.
“Me Muhamedin na bashkon vizioni që të rinjtë duhet të ndërtojnë ardhmërinë e tyre në vendlindje, që rinia të jetë shtytësi kryesor i zhvillimit të vendit në çdo sektor, e sidomos në Arsim. Muhamedi i bashkëngjitet Lëvizjes BESA dhe koalicionit VLEN për të kontribuar edhe ai në fitoren e madhe të 24 prillit dhe 8 majit. Na priftë e mbara!”, ka shkruar Kasami. (INA)
