Shkruan: Ridvan Ismaili
Kush e ka besuar se ujku (krimineli) dhe qengji (viktima) bëhen bashkë ndonjëherë
Kush e ka besuar se viktima, në fakt na qenka ujk i mbështjellur me lëkurë qengji
Kush e ka besuar se të bëmat dhe dështimet politiko-ekonomike 22 vjeçare të pushtetit dikush t’i amnestoj brenda natës
Kush e ka besuar se për bartës të listave do të vendosen figura të harxhuara, të devijuara dhe të padijshëm
Kush e ka besuar se personat që gjenden nëpër lista të zeza amerikane do përfaqësojnë një front me prefiks evropian
Kush e ka besuar se njeriu i cili i ka shijuar të gjitha postet e mundshme, e që ska asnjë rezultat në asnjërën prej tyre, i jep vetës guximin që nëpër tubime të thurr poezi koti, të citoj thënie filozofike dhe të shet pallavra, ndërsa më e keqja e kësaj storje është kur intelektualë të ndryshëm këto pallavra dhe poezi koti i përcjellin me ovacione dhe duartrokitje frenetike (Poezia “Bora dhe dielli”-ajo poezia kur Fronti Euro*pian e shkrinë borën dhe toka lulëzon)
Kush e ka besuar se Z.S. krahë për krahë me njeriun më të dështuar dhe prishur M.XH. del dhe kërkon votën e shqiptarit të ndershëm, bujkut, profesorit, hoxhës, studentit…
Kush e ka besuar se tipat që e kanë luftuar të keqën për 10-15 vite rresht, brenda natës t’i zbukurohet zullumi
Kush e ka besuar se anëtarët e partisë në pushtet nuk janë të interesuar për reformim brenda partisë, nga fakti se janë të gatshëm të votojnë çfarëdo që i servohet, qoftë edhe persona të dështuar dhe të prishur, (kur dihet që kanë kuadro/të rinj më të përgatitur që mund të na përfaqësojnë si popull)
Kush e ka besuar se Z.S. tradhëton anëtarin dhe votuesin e tij, i cili votues/anëtar ka rezistuar me vite të tëra duke i qëndruar besnik kauzës, dhe i cili këtë besnikëri dhe rezistencë e ka paguar me çmim mjaft të lartë: humbje të vendit të punës, minimizim të gjasave për punësim, mosavancim apo humbje të ndonjë të mire tjetër materiale
Kush e ka besuar se vjen një kohë kur hoxha në stilin e Papës e puthë dorën nga e cila u janë bërë shumë të zeza popullit shqiptarë
Kush e ka besuar se djali i babës haxhi, i cili deri dje ishte kundër zullumit, këtë herë ka për të vrapuar si i gjorë për t’i siguruar vota Kurto Dudushit (në zonën 2) dhe ka për ta detyruar edhe babën haxhi ta votoj zullumin
Kush e ka besuar se A.A. ka pasur të infiltruar njerëz të tij nëpër të gjitha partitë politike opozitare, të cilët dolën në sipërfaqe kur ju rrezikua pushteti të njejtit
Kush e ka besuar se M.TH. do jetë zëdhënës i BDI-së
….
