Anëtari i Këshillit Drejtues të Bankës Qendrore Evropiane (ECB), Pablo Hernandez de Cos tha se në qershor të këtij viti pret një ulje të normës së interesit të kredive, nëse inflacioni vazhdon të bjerë me ritmin aktual.
“Njoftimi i javës së kaluar se arritëm objektivin tonë për ta çuar inflacionin në 2 për qind është në përputhje me një ulje të pashmangshme të normave të interesit, që ndoshta mund të ndodhë në qershor”, tha Hernandez de Cos, i cili është edhe guvernatori i Bankës së Spanjës.
Më pas, ulja e parë e normës mund të vijë nëse parashikimet kryesore vazhdojnë të përmbushin objektivat në muajt e ardhshëm, tha ai në një intervistë me revistën “El Periodico”.
Presidentja e Bankës Qendrore Evropiane, Christine Lagarde tha në fillim të këtij muaji se kishte një ngadalësim të caktuar të çmimeve të konsumit, por ajo nuk ishte mjaft e sigurt për të njoftuar lehtësimin monetar.
Anëtarët e tjerë të Këshillit Drejtues të BQE-së po përmendin më shpesh mundësinë e uljes së normave të interesit dhe njëri prej tyre, Yanis Stournaras, kërkon edhe dy ulje para pushimit të rregullt vjetor në gusht. (INA)
