“M-NAV” la nën hije “pushkaliqet” e Drin Ahmetit!

INA
INA

10/01/2024

Festat kaluan, ndërsa mbetën në harresë “fishekzjarrët” e Drin Ahmetit. Nuk ka ende asgjë të re nga ecuria e hetimeve pas konfiskimit të 750 mjeteve piroteknike në makinën e Drin Ahmetit me targa të Shqipërisë pak natës së ndërtimit të viteve.

“Për rastin në fjalë, jemi në fazën para hetimore dhe prokurori kompetent po merret me çështjen. Tani, nuk mund të zbulojmë më shumë detaje deri në zbardhjen e plotë të rastit që do të njoftojmë publikun”, njoftojnë nga Prokuroria Publike.

Ekspertiza e mjeteve piroteknike të gjetura në makinën e Drin Ahmetit ka përfunduar 5 ditë më parë. Nga Ministria e Brendshme thonë se kanë proceduar rastin në Prokurori në formë të njoftimit, që do të thotë se policia i ka hedhur topin hetuesisë për procedurat e mëtejshme. Sipas MPB-së, vepra duhet të trajtohet në bazë të Nenit 396 të Kodit Penal për prodhim të paautorizuar, posedim dhe tregtim të mjeteve shpërthyese.

KODI PENAL
“Sipas Nenit 396, kushdo që prodhon, mban, shet, prokuron ose tregton armë zjarri, municione ose mjete shpërthyese pa autorizim do të ndëshkohet me burgim nga 3 deri në 10 vjet.”

Zëdhënësi i VMRO-DPMNE-së, Naum Stoilkovski, duke komentuar për zvarritjen e rastit të Drin Ahmeti, theksoi se qeveria mbron krimin dhe korrupsionin sepse njerëzit e tyre janë të përfshirë.

“Ata janë kuadro pro-Evropian të LSD dhe BDI të instaluar në sistemin e drejtësisë. Kur bëhet fjalë për të afërm dhe familjarë të BDI ose LSD që lidhen me krimin dhe korrupsionin, në mënyrë Evropiane lirohen dhe nuk ndiqen. Shohim që pushteti nuk lejon që të bien bandat partiake dhe krimi, përkatësisht i mbrojnë ato raste si rrezikimi i trafikut ajror ndërkombëtar, e aq më pak të ketë rast për nipin e Ali Ahmetit, biznesmen me vizion që ka marrë një qendër tregtare si dhuratë, ndërsa në esencë është tregtues i pushkaliqeve”, tha Naum Stoilkovski, Zëdhënës i VMRO-DPMNE-së .

Emri i Drin Ahmeti u bë i njohur për publikun e gjerë kur përvetësoi 39% të Qendrës Tregtare Soravia në qendër të Shkupit, vlera e së cilës llogaritet mbi 30 milionë euro. Atëherë, për origjinën e pasurisë së kësaj shitblerje të 27 vjeçit nuk ishte interesuar as policia dhe as prokuroria, kurse Komisioni Anti-korrupsion “ngriti flamurin e bardhë” me arsyetimin se Drin Ahmeti nuk është funksionar shtetëror. /Alsat.mk

TË FUNDIT

ME TE LEXUARA

LEXO MË SHUMË

zgjedhje maqedoni

17 milionë euro për zgjedhjet

kshz-2-800x445

Nga e premtja fillon afati për mbledhjen e nënshkrimeve për kandidatët presidencialë dhe deputetë

Afrim Gashi

Gashi: Është momenti që ta përmbyllim një cikël të errët të jetës tonë, dhe t’i japim mundësi shpresës, suksesit!

Taravari

Taravari: Edhe sondazhi i Debat Plus shpalli fitues opozitën shqiptare VLEN, ndryshimi ka nis!

Qeveria talat xhaferi

Nga mbledhja e gjashtë e Qeverisë, ja vendimet

talat xhaferi fondacioni albiz

Xhaferi: Investimi te të rinjtë është investim i së ardhmes

sondazhi vlen bdi debat plus

Sondazhi i Debat Plus: Ja kush do t’i fitojë zgjedhjet tek shqiptarët në Maqedoni?

Taravari

Taravari: Ka gjasa që në raundin e dytë për president të shkojë një kandidat shqiptar

kuvendi parlamenti

Ligji i mediave kalon filtrin në komisionin parlamentar për çështje evropiane

INFO

NA NDIQ