Sinoptikanët për sot paralajmërojnë mot me diell dhe me vranësira mesatare lokale. Do të fryjë erë e lehtë deri mesatara, paradite shi përgjatë Vardarit, herë pas here do të ketë erë të përforcuar nga drejtimi veriperpëndimor. Temperatura minimale do të jetë në interval nga 2 deri në 10 gradë, ndërsa maksimalja nga 11 deri në 18 gradë.
Në Shkup kryesisht me diell me erë të lehtë deri mesatare nga drejtimi verior. Temperatura minimale do të zbresë deri në 6, ndërsa ajo maksimale do të arrijë deri në 14 gradë.
Sipas parashikimit të DPHM, ditën e premte do të fryjë erë e fortë jugore, ndërsa pasdite nën ndikimin e valës së re të lagësht dhe të ftohtë do të ketë reshje shiu më të mëdha në orët e natës ku në male do të kalojnë në borë.
“Gjatë fundjavës do të mbizotërojë mot i ndryshueshëm i vranët dhe i ftohtë me erë të përforcuar, herë pas here të fortë nga veriu. Gjithashtu do të ketë reshje lokale të dobëta, kryesisht në vendet më të larta dhe male, ku do të ketë reshje bore, njoftojnë nga DPHM.
