Veterani i UÇK-së, ish-ushtari i Batalionit Atlantiku e njohur si “UÇK-ja e Amerikës”, Ymer Kukaj, nga Plava, është ndarë nga jeta pas një sëmundje të pashërueshme në moshën 81 vjeçare, përcjell INA.
Njoftimin për vdekjen e të ndjerit, e ka dhënë nëpërmjet rrjetit social Fb, një nga nipat e tij në New York, Ramiz Kukaj.
Ramizi, thotë se Ymeri (Mixha i tij) do të kujtohet përherë me krenari nga fisi Kukaj, që iu bashkëngjitë Batalionit Atlantiku, për të luftuar për lirinë e Kosovës:
“Jetove për të mos vdekur kurr! Lum ne që të patëm e lum Kosova, që të rriti burr e trim si ti!”
Kukaj , në kumtin e hidhërimit shkruajti : “Mixha im i dashtun! Sot na le dhe ndrrove jetë. Sa dhimbje që të humbëm e sa krenari që të patëm. Jetove për të mos vdekur kurr! Lum ne që të patëm e lum Kosova që të rriti burr e trim si ti!
Lum ti qe për komb e vatan nuk u kurseve kurrë! Pusho në paqe Mixh i dashtun, pusho në paqe Mesues i dashtun, pusho në Paqe Luftëtarë i Lirisë së Kosovës. Lavdi vepëres tande se kujtimi për ty, nuk do vdes kurrë. Kujtim ky që do të mbetet gjall djal mbas djali e nip mbas nipi!!”, ka shkruar familjari i tij.(INA)
