Veprimtari i njohur shqiptar, Hysni Shaqiri ka komentuar zhvillimet në Veri të Kosovës.
Ai ka thënë se tani është koha që shqiptarët në të gjitha trojet ku jetojnë të tregojnë unitet, sepse nuk është koha për të luftuar për pushtet, por për shtet.
“Ne shqiptarët kemi vuajtur shumë, kemi përjetuar situata të rënda dhe kur në pyetje ka qenë egzistenca jonë, por asnjëherë nuk jemi mposhtur.Jam i bindur thellë se edhe kësaj radhe populli shqiptar do të jetë fitimtar.Tani janë çështjet shumë diskutabile dhe jemi në udhëkryqin e fatit tonë historik, ku ende nuk i kemi mbyllë proceset ma të rëndësishme kombëtare.
Ju e dini se për momentin Kosova ballafaqohet me një krizë, e cila është imponu nga Beogradi zyrtar me një presion që në çdo moment pret të përfitoje diçka, por po ju them se çështja kombëtare sot mbrohet në Kosovë.Duhet të jemi të bashkuar në një qëllim, ai qëllim është Kosova në këto bisedime të dale fitimtare.
Loja e Serbisë është tepër e rrezikshme, ne duhet të punojmë për të ardhmen dhe të jemi serioz, sepse problemet tona duhet t’i zgjidhim vetë.
Duhet t’a gjejmë rrugën dhe të dalim fitimtarë në këtë betejë.Kudo shqiptarët që janë duhet të tregojnë unitet dhe mos të merren me thashetheme se nuk është koha për luftë për pushtet.Sepse pushteti pa shtet nuk egziston”, është shprehur Shaqiri. (INA)
