Emisari amerikan për Ballkanin Perëndimor, Gabriel Eskobar në një brifing online me gazetarët ka theksuae se është i bindur dhe shpreson se pa marrë parasysh zgjedhjet në Maqedoninë e Veriut, rruga drejt Evropës do të vazhdojë.
Eskobari paralajmëroi se këtë muaj largohet nga pozita si Zv/Ndihmës Sekretar amerikan për çështje evropiane dhe euroaziatike dhe përfaqësues special për Ballkanin Perëndimor.
“Një nga gjërat që arritëm dhe jemi të lumtur është se disa vende të Ballkanit Perëndimor janë në rrugë solide drejt integrimit euroatlantik, vecanërisht ato anëtarë të NATO-s, Shqipëria, RMV-ja dhe Mali I Zi, që tërësisht janë të angazhuar në procesin e aderimit në BE. Jam i bindur dhe shpresoj se pa marrë parasysh zgjedhjet në RMV, rruga evropiane do të vazhdojë” , ka deklaruar Eskobar.
