Në 31 vendvotime në përfaqësitë diplomatike konsullore jashtë vendit, të drejtën e votimit për zgjedhjen e Presidentit të Shtetit e kanë pasur 2569 votues, aplikacionet e të cilëve janë pranuar nga KSHZ-ja.
Votime për zgjedhjet parlamentare në diasporë nuk ka pasur për shkak të mosplotësimit të numrit minimal të votuesve të regjistruar për të votuar.
Deri në orën 19:00, sipas informacioneve, pjesëmarrja totale nga votimi jashtë vendit për zgjedhjet presidenciale ishte 652 votues, pra 25.38%.
Janë mbyllur 14 qendrat e votimit edhe nëpër burgjet e vendit, ku të drejtë vote kishin 2147 votues të regjistruar për zgjedhjet presidenciale dhe 2140 votues për zgjedhjet parlamentare.
Deri në orën 19:00, sipas informacioneve nga këshillat zgjedhorë, kanë votuar 1298 zgjedhës ose 60,46% e të regjistruarve për zgjedhjet presidenciale, përkatësisht 1397 zgjedhës ose 68,72% për zgjedhjet parlamentare.
Sipas të dhënave nga komisionet komunale zgjedhore, për kryetar të shtetit kanë votuar 8.926 ose 80.45% të të sëmurëve dhe të pamundshmëve, ose 10.036 ose 92.04% e votuesve për zgjedhjet parlamentare.(INA)
