Suedia kritikon bllokimin prej Turqisë të anëtarësimit të saj në NATO

Picture of Iliria News Agency
Iliria News Agency

10/01/2023

Kryeministri i Suedisë Kristersson flet për pengesat e Ankarasë drejt anëtarësimit të Suedisë në NATO. Ndërsa Anakaraja nuk nxitohet shumë në këtë proces. Suedia dhe Finlanda duan anëtarësimin.

Pas agresionit rus në Ukrainë dhe shtimit të frikës se Rusia mund të sulmojë edhe vende të tjera fqinje, Suedia ushtarakisht neutrale ka paraqitur një kërkesë të përbashkët për anëtarësim në NATO me Finlandën. Kërkesa është paraqitur në maj të vitit 2022 dhe prej atëherë, ky vend po përpiqet të zbusë bllokadën e Turqisë për anëtarësimin e Suedisë në NATO.

Sipas kryeministrit suedez Ulf Kristersson, Ankaraja ka bërë disa kërkesa të cilat janë duke penguar anëtarësimin e shpejtë të Suedisë në NATO. “Turqia ka konfirmuar se ne kemi bërë atë që i kemi premtuar”, tha Kristersson në një konferencë të sigurisë dhe mbrojtjes në Sälen, në Suedinë perëndimore, të dielën. “Por ata gjithashtu thonë se kanë kërkesa që ne nuk mund dhe nuk duam t’i përmbushim. Dhe tani vendimi i takon

Turqisë.” Ai mbetet i bindur se Turqia do të pranojë pranimin e Suedisë. “Por ne thjesht nuk e dimë se kur do të ndodhë kjo.”

Turqia si anëtare e NATO-spo bllokon pranimin e vendeve nordike në këtë aleancë, duke përmendur ndër të tjera edhe mbështetjen e supozuar të Suedisë për “organizatat terroriste”, si Partia e ndaluar Punëtore Kurde (PKK). Vendi kishte bërë një sërë kërkesash si kusht për ratifikimin e të ashtuquajturave protokolle të anëtarësimit. Ndër të tjera, Turqia kërkon një luftë më të fortë kundër “terrorizmit” dhe ekstradimin e dhjetëra personave. Pak para Krishtlindjeve, ministri i Jashtëm turk Mevlut Çavusoglu tha se zbatimi i marrëveshjeve “nuk është madje as në gjysmë të rrugës”.

Stoltenberg pret anëtarësimin gjatë vitit 2023

Megjithatë, Sekretari i Përgjithshëm i NATO-s Jens Stoltenberg u shpreh optimist në margjinat e konferencës së sigurisë në Suedi. Ai pret që Suedia dhe Finlanda t’i bashkohen NATO-s në vitin 2023. Të dy vendet janë “përkushtuar qartë për bashkëpunim afatgjatë me Turqinë”, tha Stoltenberg. Prandaj, “tash ka ardhur koha të përfundojmë procesin e anëtarësimit dhe të ratifikojmë protokolin e anëtarësimit”.

I pyetur për një datë të mundshme pranimi, ministri i Jashtëm i Finlandës Pekka Haavisto tha në takim se vendi i tij do të donte të anëtarësohej në të njëjtën kohë me Suedinë. Finlanda “nuk është duke u ngutur”. Ajo do të presë derisa edhe Suedia të marrë dritën jeshile për anëtarësim të përbashkët në NATO./DW

TË FUNDIT
23 orë
Rusia heq shenjuesit e kufirit me Estoninë, reagon me urgjencë kreu i NATO
24 orë
VIDEO/Ukraina hakmerret keq ndaj Rusisë, i shkatërron sistemin raketor që vlen 800 milionë dollarë
2 ditë
Me vlerën prej 275 milionë dollarësh, SHBA përgatit një paketë të re ndihme për Ukrainën
2 ditë
Hungaria, shteti i vetëm i BE-së që votoi kundër rezolutës për Srebrenicën
3 ditë
GJYQI NDAJ TRUMPIT: Tani topi është në fushën e ish-presidentit

ME TE LEXUARA

24 orë
VIDEO/Ukraina hakmerret keq ndaj Rusisë, i shkatërron sistemin raketor që vlen 800 milionë dollarë
23 orë
Rusia heq shenjuesit e kufirit me Estoninë, reagon me urgjencë kreu i NATO

LEXO MË SHUMË

anije1

Rusia heq shenjuesit e kufirit me Estoninë, reagon me urgjencë kreu i NATO

raketa

VIDEO/Ukraina hakmerret keq ndaj Rusisë, i shkatërron sistemin raketor që vlen 800 milionë dollarë

shtepia e Bardhe-usa

Me vlerën prej 275 milionë dollarësh, SHBA përgatit një paketë të re ndihme për Ukrainën

Keshilli-i-Sigurimit-OKB

Hungaria, shteti i vetëm i BE-së që votoi kundër rezolutës për Srebrenicën

auto_donald-trump-oval-office1550229304

GJYQI NDAJ TRUMPIT: Tani topi është në fushën e ish-presidentit

erdogan

Erdogan: Alija Izetbegoviç veshi uniformën kur duhej, le të kujtojmë fjalët e tij për Srebrenicën

okb

Maqedonia e Veriut në mesin e 38 vendeve bashkësponsor për rezolutën e gjenocidit në Srebrenicë

Palestina gaza

Lëvizja e Irlandës, Spanjës e Norvegjisë për ta njohur Palestinën: Shtete të tjera do të na bashkohen

izrael tel aviv gaza

Mbi 1,400 akademikë izraelitë kërkojnë përfundimin e luftës në Gaza

INFO

NA NDIQ