Gjykata ka liruar efektivin e forcave speciale të Shqipërisë RENEA Altin Morina. Zbutja e masës nga arrest me burg në detyrim paraqitjeje u bë pak ditë më parë.
Morina u ndalua me 113 mijë euro teksa lëvizte me një automjet luksoz disa javë më parë.
Vendimi i gjykatës për zbutjen e masës së sigurisë ka ardhur pas marrjes në pyetje të biznesmenit që Morina pretendoi se i dha leket për një problem familjar.
Altin Morina, shefi i Stërvitjes të Repartit Special RENEA, u arrestua rreth një muaj më parë në Tiranë, pasi në automjetin me të cilin lëvizte iu gjet një shumë e konsiderueshme parash të padeklaruara.
Operacioni u zhvillua pas indicieve të dhëna nga inteligjenca informative se 43-vjeçari po qarkullonte me një shumë të madhe parash në automjetin e tij.
Gjatë kontrollit dhe kryerjes së automjetit rezultoi se në sediljen e pasagjerit, në vendin e parë të automjetit, ndodhej një qese plasmasi brenda të cilës kishte lekë, euro dhe paund.
Nga numërimi rezultoi se në qesen e plasmasit kishte rreth 113 mijë euro, rreth 290.00 lekë të rinj dhe 80 paund, të cilat u sekuestruan në cilësinë e provës materiale.
