Koalicioni opozitar VLEN dhe kandidati për president, Arben Taravari sot takuan krerët e Odës Ekonomike të Maqedonisë Veri-Perëndimore.
Në këtë takim liderët e VLEN prezantuan tri reforma kryesora që synojnë siç thuhet t’i sjellin si risi, në dobi të qytetarëve dhe të bizneseve:
– NDËRMARRJET SHTETËRORE NË DORË TË QYTETARËVE – synojmë që qytetarët të marrin 49% të aksioneve të ndërmarrjeve publike.
– KRIJIMI I BANKËS SHQIPTARE – synojmë që brenda mandatit të krijojmë kushtet për themelimin e bankave me kapital dominues shqiptar, me fokus kryesor financimin e bizneseve shqiptare në vend.
– FORCIMI I ZONAVE TË LIRA EKONOMIKE SHQIPTARE – synojmë që zonat e lira ekonomike në komunat shqiptare të kenë zhvillim të njëjtë sikurse ato në komunat maqedonase”, thuhet në njoftimin e koalicionit opozitar VLEN.
Më tej nënvizohet se Oda Ekonomike e Maqedonisë Veriperëndimore u nda e kënaqur me propozimet e tyre, ndërsa ata sigurojmë se te Qeveria e VLEN-it do të gjejnë partner të besueshëm e të përkushtuar.
Lidhur me këtë takim është prononcuar edhe kandidati për president, Arben Taravari.
“Oda Ekonomike e Maqedonisë Veri-Perëndimore mbron bizneset në vend dhe kujdeset për promovimin e bizneseve tona në vend dhe botë, ndërsa kërkesat e saja ndaj kandidatit për president, Arben Taravarit dhe koalicionit VLEN ishin rritja e pagës minimale në 30 mijë denarë, kurse qeveria t’i zvogëlojë kontributet për 32%, të zgjidhet problemi me emigrimin, ekonomia e zezë, korrupsioni si dhe sundimi i së drejtës.
“Biseduam për zhvillimin ekonomik, për vizionin e Odës për fuqinë punëtore që mungon në Maqedoni. Oda Ekonomike e Maqedonisë Veri-Perëndimore ka edhe manifest ekonomik që na u dha para disa javësh dhe ne kemi përfshirë disa pika në programin tonë. Në programin tim, theks të veçantë kanë inovacioni dhe energjetike si dhe arritja e një marrëveshje konsensuale mes partive politike që do ta kishte nisur presidenti i shtetit me mbështetjen e të gjithëve për zhvillimin ekonomik të shtetit”, tha Taravari.”, deklaroi Tavari. (INA)