Ambasadorja e SHBA-ve në Shkup, Angela Ageler ka komentuar takimin e paralajmëruar midis kryeministrit Dimitar Kovaçevski me liderin e partisë më të madhe opozitare, VMRO-DPMNE, Hristijan Mickoski.
Diplomatja amerikane theksoi se nuk ka informacione për takimin e mundshëm të tillë, por sipas saj, nuk ka asgjë më të mirë se dialogu për të zgjedhur disa nga problemet e vendit, përcjell INA.
“Nuk jam në dijeni për një takim. Mendoj se bisedimet dhe diskutimet janë gjithmonë mënyrë për të vazhduar tutje, pa marrë parasysh se cilat janë problemet. Më vjen mirë që dëgjoj se ka një takim dhe shpresoj të ketë diskutime të sinqerta”, deklaroi ambasadorja amerikane, Ageler. (INA)
