Një 50-vjeçare nga Tetovë ka raportuar në polici se është mashtruar gjatë blerjes së një prone në Kodër të Diellit, për të cilën thotë se ka paguar 6.000 euro. Nga SPB-Tetovë thonë se po punohet për zbardhjen e rastit.
“Më 25.04.2024 në 16:20 në SPB-Tetovë 50-vjeçarja nga Tetova ka raportuar se kishte qenë e mashtruar nga Gj.S. nga Tetova, kështu që gjatë vitit 2022 ajo kishte blerë pasuri të patundshme me lokacion në lagjen e vikend shtëpive në Kodrën e Diellit me një sipërfaqe prej 300 m², për të cilën në prani të vajzës së saj dhe një person tjetër nga Bogovina, kishte paguar 6000 euro. Sipas raportit, ajo e kishte mashtruar se procedura për transferimin e pronësisë është ende në komunë, por pasi që kishte kërkuar informacion nga komuna e kishin njoftuar se një lëndë e tillë tek ata nuk ekziston”, thuhet mes tjerash në njoftimin e SPB-Tetovë.
