Benzi zbret nga “froni”, kjo është marka e makinës së preferuar të shqiptarëve

Iliria News Agency
Iliria News Agency

28 Prill, 2023

Gjatë tremujorit të parë 2023, janë regjistruar gjithsej 14.460 mjete te reja, nga të cilat 27 lloje mjetesh dhe 276 marka mjetesh, raportoi INSTAT.

Fondi i autoveturave u zgjerua me 8% në janar – mars 2023 dhe siç tregojnë të dhënat “Volkswagen” është bërë makina më e preferuar e shqiptarëve.

Marka “Volkswagen” është marka me qarkullim më të lartë në vend në kategorinë e mjeteve të reja rrugore me 20,4%, e ndjekur nga marka ““Mercedez Benz” me 16,3%.

Në kategorinë e mjeteve të reja rrugore sipas llojit, përqindjen më të madhe ndaj numrit gjithsej të mjeteve rrugore e zënë “Autoveturat” (83,5%) dhe “Motor” zënë (6,8%).

Numri më i lartë i mjeteve të reja rrugore është regjistruar në Qarkun e Tiranës, duke zënë 39,4% ndaj mjeteve rrugore gjithsej të regjistruara në vend në tremujorin e parë 2023.

Qarqet me numrin më të vogël të mjeteve të reja rrugore janë qarku Dibër me 2,1% dhe Gjirokastër me 1,3% secili ndaj mjeteve rrugore gjithsej.

Për 2022, numri mesatar mujor i mjeteve të regjistruara për herë të parë rezulton 5,152.

Gjatë vitit 2022 shitjet për makinat e reja kanë shënuar rënie, jo vetëm për shkak të rritjes së çmimit të tyre 10 deri 15%, por edhe për shkak të numrit të reduktuar të prodhimit të tyre për 2022 e ndikuar nga mungesa e pjesëve prodhuese.

Në kahun tjetër kompanitë e shitjes shtojnë se në këtë periudhë po tregtohen më tepër makina të përdorura, edhe te të cilat ka rritje të çmimit, por shtrenjtimi i tyre konsiderohet i fryrë i ndikuar nga mungesa e brandeve të makinave të reja.

Prej vitit 2021 për makinat që regjistrohen për herë të parë po zbatohet një rregull i ri për kontrollin teknik. Për këto mjete është përcaktuar që kontrolli teknik do të kryehet 3 vite pas regjistrimit.

Deri në dhjetor të 2021 sipas të dhënave të Drejtorisë së shërbimit të Transportit totali i mjeteve aktive ose të çregjistruara përkohësisht ishte 740,669 mjete ku 593,280 janë autovetura.

Në tremujorin e parë 2023, gjatësia e rrjetit rrugor në shfrytëzim është 3.606 km, klasifikuar sipas kategorive të ndryshme, si autostradë, rrugë interurbane apo urbane dhe rrugë lokale. Rrugët interurbane dytësore zënë rreth 74,2% të gjatësisë së rrjetit rrugor. Gjatë tremujorit të parë 2023, janë regjistruar gjithsej 14.460 mjete te reja, nga të cilat 27 lloje mjetesh dhe 276 marka mjetesh./monitor.al

 

ME TE LEXUARA

LEXO MË SHUMË

thaci-veseli-krasniqi-selimi

Anulohet seanca e sotme ndaj ish-krerëve të UÇK-së

majlinda bregu

“Majlinda Bregu duhet të vendoset në krye të PD, është zgjidhja e vetme”

paraburgim-1

Nis zbatimi i marrëveshjes Rama-Sunak, 200 shqiptarë të dënuar në Britani do të dërgohen në burgjet e Shqipërisë

aksident kumanove

Aksident fatal në Kumanovë, maturanti me veturë bie nga ura (FOTO)

wizzair

Wizz Air me fluturime të reja nga Shkupi për në destinacione të tjera

miroslav trickoviq

Ja kush po e ndihmon protestën e Vuçiqit nga Maqedonia e Veriut?

autobus-privat-shkup

Autobusët privatë sot rikthehen në rrugët e Shkupit

ahmeti-kovacevski-taravari-bdi-lsdm-ash-qeveri

LSDM, BDI dhe ASH, me lista të përbashkëta në zgjedhje?

shkupi

Maqedonia e Veriut deri në vitin 2050 do të jetë me 11% më pak popullsi?!

INFO

NA NDIQ