shkruan: Muhamer Pajaziti
O politikanë, boll më me këtë retorikë nacionaliste boshe e shpalosni programet nëse i keni!
Populli është në hall me çmimet e larta e rrogat mjerane…
Populli është në hall me shëndetësinë e arsimin e rrënuar…
Populli është në hall me pa sigurinë, krimin e korrupsionin…
Ofroni zgjidhje të paktën në letër për këtë shtet që po fundoset në borxhe e inflacion…
Jepni shpresë rinisë me ide e projekte për zhvillim se po na ikin, e do mbesni vetëm ju o të pangopur…
Sqaroni popullit se integrim evropian do të thotë kur standardet dhe mirëqenien evropiane ta sjellin këtu…
Jemi në luftë apo në një proces zgjedhor demokratik?
O njërëz, Ju lutem të mos bini pre e manipulimeve të politikës, mos i përkeqësoni raportet me fqinjët e të afërmit që kanë bindje politike të ndryshme, jemi vend i vogël e njihemi pak a shumë të gjithë.
Politikanët shahen në zgjedhje, e nesër përbashkohen në qeverisje! Sa herë e kemi parë këtë film?
Në zgjedhje dilni votoni dhe mos e tregoni votën, votoni me mendje dhe me zemër. Kjo është forca Juaj.
Pa votën tëndë politikani është askushi, zhvisheni cullak me votë çdo politikanë të pa vlerë.