Një zjarr ka shpërthyer të dielën në autostradën A1 pranë Utzenstorfit në Zvicër. Me këtë rast është shkatërruar tërësisht një veturë
Një veturë ka marrë flakë pasditen e së dielës në autostradën A1. Këtë e raporton njësia e mbrojtjes dhe shpëtimit e Bernës në mediat sociale, transmeton portali Shtegu. Vetura ka qenë duke qarkulluar në drejtim të Bernës, kur shpërtheu zjarri pranë Utzenstorfit.
Kur kanë arritur ekipet e shpëtimit, vetura tashmë ishte në flakë . Megjithatë, zjarri u shua shpejt. Për fat të mirë, nuk ka pasur të lënduar.
Të mobilizuara ishin edhe Policia Kantonale e Bernës dhe policia ushtarake.
Rastin e ka konfirmuar edhe personalisht gazetari Kasam Selimi, i cili në profilin e vet në Facebook ka shkruar:
“Krijuesit të botërave, Zotit të gjithësisë i takon falënderimi për mbrojtjen nga çdo më e keqe! Përpara fatkeqësive, njeriu ishte i pafuqishëm.
Vetura ime personale gjatë ditës së djeshme, u dogj e tëra në autostradën në drejtim të Bernit. Falë Zotit dola shpejt dhe isha i vetëm në veturë.
Të parët në ndihmë mu gjenden policia ushtarake, të cilit kishin qenë pas meje, pastaj policia kantonale dhe zjarrfikësit. I falënderoj shumë për angazhimin dhe ndihmesën e treguar.
Në ato momente vështirësie e fatkeqësie, tepër shumë ma lehtësuan komunikimin në gjuhën shqipe, nëpunësja shqiptare te sigurimi dhe shoferi i transportit të automjetit. Çdokujt që është kujdesur në këto momente, qoftë me thirrje, mesazhe dhe familjarëve me vizitita, i falënderoj pa masë.
