Sektori i Punëve të Brendshme Strumicë, deri te Prokuroria Publike Strumicë ka parashtruar 4 kallëzime penale kundër A.Sh.(39), Gj.Sh.(36), E.Sh.(37), S.Sh.(30), I.J.(44), M.R.(21), S.R.(32), F.R.(37) dhe S.R.(32), që të gjithë nga Strumica.
Siç qëndron në njoftimin e Ministrisë së Punëve të Brendshme, ata dyshohen se kanë bërë tregti ilegale me mbeturina, me çka kanë kryer veprën penale “dëmtim të mjedisit jetësor dhe natyrës me mbeturina”.
“Të dyshuarit A.Sh., E.Sh., I.J., S.R. dhe F.R. gjatë vitit 2019, 2020 dhe 2021 kanë blerë, grumbulluar dhe shtresuar mbeturina dhe vetura të dëmtuara në më shumë vende të Strumicës, të cilat më pas i kanë dërguar dhe shitur te kompanitë e licencuara për blerjen e mbeturinave. Paratë nga shitja e kryer kompanitë i kanë paguar në llogaritë e të dyshuarit Gj.Sh., S.Sh., M.R. dhe S.R. me çka të dyshuarit kanë kryer tregti në mënyrë ilegale”, qëndron në njoftim, transmeton TV21.
