Instagram sjell një veçori të re, çfarë po ndryshon në platformë?

Instagram ka njoftuar një veçori të re të heshtjes të quajtur ” modaliteti i qetë”, që synon të ndihmojë përdoruesit që duan të fokusohen më shumë në aktivitete të tjera ose të vendosin kufij me miqtë dhe ndjekësit e tyre.

Sapo përdoruesi i Instagram të aktivizojë modalitetin e qetë , ai do të ndalojë marrjen e njoftimeve dhe statusi i aktivitetit të profilit të tij do të ndryshojë në “modalitet i qetë”. Nëse dikush i dërgon një mesazh një përdoruesi që ka zgjedhur modalitetin e qetë, Instagram do të dërgojë një përgjigje automatike, duke informuar dërguesin se “modaliteti i qetë” është aktiv.

Në të njëjtën kohë, do të mundësohet programimi i orëve kur do të aktivizohet modaliteti i qetë dhe pasi të çaktivizohet, do të shfaqet një përmbledhje e vogël e asaj që përdoruesi i Instagramit ka humbur.

Edhe pse opsioni do të jetë i disponueshëm për të gjithë përdoruesit, Instagram duket se po fokusohet tek adoleshentët.

Ky funksion fillimisht do të jetë i disponueshëm në Shtetet e Bashkuara, Mbretërinë e Bashkuar, Irlandë, Kanada, Australi dhe Zelandën e Re dhe gradualisht do të bëhet i disponueshëm në më shumë vende.