Deri në orën 15:00, Komisioni Shtetëror i Zgjedhjeve ka marrë të dhënat për pjesëmarrjen e votuesve nga 2110 vendvotime.
Nga gjithsej 1.092.341 votues të regjistruar në këto vendvotime, votuan 392.066 ose 35.89 për qind.
Sipas të dhënave të deritanishme, pjesëmarrja më e madhe është shënuar në Novaci me 57,69% dhe më e ulëta në Qendër Zhupa, 13,11%.
Deri më tani, votimi ka qenë i qetë në të gjitha qendrat e votimit.
Deri më tani në KSHZ janë paraqitur gjithsej 233 kundërshtime për mbrojtjen e të drejtave personale të votimit. Prej tyre, 38 kundërshtime janë pranuar dhe zgjedhësve iu është mundësuar ushtrimi i të drejtës së votës, 21 kundërshtime janë hedhur poshtë si të parregullta dhe 22 janë refuzuar. Kundërshtimet e tjera janë duke u proceduar.
Në faqen rezultati.sec.mk mund të ndiqni drejtpërdrejt daljen në votime, si në total ashtu edhe sipas komunave.(INA)
