Mickoski kundër Qeverisë së Përzhinos

Iliria News Agency
Iliria News Agency

19/01/2022

VMRO-DPMNE-ja do të propozojë ndryshime në Kodin Zgjedhor. Partia e Hristijan Mickoskit do të kërkojë abrogimin e Qeverisë Teknike, ndërsa janë të gatshëm të negociojnë edhe për një njësi zgjedhore.

“Jemi të përgatitur dhe ditëve në vijim do të propozojmë ndryshimin e modelit zgjedhor në të cilin nuk do të ketë më Qeveri teknike, përkatësisht nuk do të ketë 100 ditë humbje kohe për qytetarët dhe Maqedonisë. Do të mbetet vetëm afati kushtetues 45-60 ditë. Nëse flitet për një njësi zgjedhore jemi të gatshëm edhe për atë të bisedojmë”, tha Hristijan Mickoski, Kryetar i VMRO-DPMNE-së.

Mickoski thotë se zgjedhjet e parakohshme janë të pashmangshme, madje është i gatshëm që në zgjedhjet e ardhshme të shkon pa ministra dhe zëvendësministra teknik.

“Nëse kanë frikë që pa Qeveri teknike të shkojnë në zgjedhje neve jemi të gatshëm që të mbetet Spasovski ministër i Brendshëm, le të mbetet ministri i ri për Punë dhe Politikë Sociale, nuk do të ketë zëvendës nga opozita në Bujqësi, Financa dhe Shoqëri Informatike dhe të shkojmë në zgjedhje të parakohshme”, u shpreh Mickoski.

Heqja e Qeverisë teknike paraprakisht ishte premtuar edhe nga LSDM-ja. Ndërsa një debat të tillë ish kryeministri Zora Zaev dhe lideri i VMRO-DPMNE-së, Hristijan Mickoski e kishin zhvilluar në prag të fushatës së zgjedhjeve parlamentare të vitit 2020.

Mickoski aso kohe pajtohej se nuk duhej të kishte Qeveri teknike, por kërkonte ministra dhe zëvendësministra teknik për organizimin e zgjedhjeve.

Mickoski: A jeni i sigurt se nuk duhet të ekziston?
Zaev: Nuk duhet të ekziston. Tani thuhet dhe është mirë të qartësohemi.
Mickoski: Mos e kërkoni pastaj kur të mbeteni në opozitë? Të mos bëni cirk.
Zaev: Qëndrimi im është se nuk duhet të ketë Qeveri të Përzhinos. Urdhëroni thoni qëndrimin tuaj.
Mickoski: Që kur ishte bërë kisha deklaruar se nuk duhet të ketë Qeveri të Përzhinos
Zaev: Por pse e kërkoni?
Mickoski: Sepse ju jeni Qeveri nga e cila populli nuk ka besim kur organizon zgjedhje.

Abrogimi i Qeverisë teknike luhat premtimin e Zaev për kryeministrin shqiptar dhënë ndaj BDI-së në arritjen e marrëveshjes për Qeveri. Në rast se abrogohet Qeveria teknike, kryeministri shqiptar 100 ditët e fundit të Qeverisë mund të bëhet përmes formës kushtetuese, me dorëheqjen e kryeministrit që nënkupton dorëheqjen e Qeverisë, marrjen e mandatit dhe formimin e kabinetit të ri qeveritar./Alsat

TË FUNDIT

ME TE LEXUARA

LEXO MË SHUMË

sela-taravari

Taravari sfidon Selën: Dilni vetë, unë jam i gatshëm t’i nënshkruaj ato lista që do më sillni dhe do t’i vulosi që të merrni pjesë në zgjedhje!

abazoviq dritan

Abazoviq: Tash shqiptarët në Mal të Zi nuk e ngrisin më flamurin edhe pse kanë të drejtë

Afrim Gashi

Gashi tregon arsyet se pse u bashkua opozita shqiptare

IMG_9532

Sela nga Saraji: Nuk e përkrahim Arben Taravarin për president

Elmi Aziri

Aziri: ASH del e vetme në zgjedhje, kjo çështje do të diskutohet dhe në organet partiake!

auto_donald-trump-oval-office1550229304

Gjykata vendosi, Trump mund të mbetet në garë

Manastiri Banjskes zvecan

Rexhaj: Ja kush na kishte paralajmëruar më herët për sulmin në Banjskë

ushtria forcat e armatosura shqiperi

Shqipëria e 90-ta në botë për fuqinë ushtarake, vendi dytë në rajon

Talat Xhaferi

Xhaferi: Maqedonia e Veriut ndërton vlera evropiane të bashkëjetesës, multikulturalizmit dhe multietnicitetit

INFO

NA NDIQ