Kryetari i VMRO-DPMNE, Hristijan Mickoski deklaroi mbrëmë në emisionin “360 shkallë” theksoi se me koalicionin shqiptar VLEN nuk kanë pasur bisedime për ndryshimet kushtetuese.
“Nuk kemi hapur bisedë për atë temë, nuk kemi diskutuar për atë temë”, deklaroi Mickoski.
360°: Atëherë a nuk është e parakohshme kur të dyja palët zgjedhin njëra-tjetrën si partnerë në qeveri, dhe ju nuk jeni takuar dhe rënë dakord për një temë të tillë?
Mickoski: Çdo gjë që është bërë si bisedë dhe artikulim publik i një qëndrimi para se të shpallet zyrtarisht ndonjë koalicion, mund ta vendosim në rubrikë – ndoshta është diçka e parakohshme. Dhe jam dakord me ju. Por fare thjesht, politika ka mesazhe formale dhe informale dhe është mirë të dërgohen mesazhe si formale ashtu edhe ato informale. Këtu nuk ka asgjë që është përtej sjelljeve politike apo artikulimit politik të pikëpamjeve.
Sipas tij, VMRO-DPMNE pas zgjedhjeve, nëse do të ketë një kusht për formimin e Qeverisë me ndryshimet kushtetuese, ata nuk do ta pranojnë.
“Ne nuk do ta pranojmë, sepse kemi një qëndrim të qartë lidhur me atë proces. Po, ne jemi për vazhdimin e procesit të integrimit evropian, këtu nuk ka dyshim. Ky është thelbi, është baza e funksionimit të VMRO-DPMNE-së. Gabimet janë bërë nga qeveria e mëparshme. Ne nuk kemi ndërmend t’i pranojmë ato gabime, por nuk i anashkalojmë sepse ekzistojnë…prandaj duam të kemi një qëndrim më të qartë dhe shumë më të saktë në lidhje me ato procese integruese evropiane. Le të shohim se Evropa çfarë, në thelb ka një plan për ne. A ka Europa një plan për ne? Duhet të shohim, le të jemi më të qartë sepse kështu është përsëri mjegull”, deklaroi Mickoski për “360 shkallë”.(INA)