Ndërroi jetë mësuesi, shkrimtari rebel dhe atdhetari “non grata”, Fadil Curri

Picture of ina-online
ina-online

07/04/2024

Në moshën 68 vjeçare u nda jeta, shkrimtari i njohur dhe një arsimtar jete, Fadil Curri.

Ai ishte një kontribues i madh në fushën e arsimit dhe letrave shqipe, duke lënë pas shumë vepra madhështore në këto lëmi, përcjell INA.

Biografia

Fadil Curri u lind në fshatin Dërmjak të Hanit të Elezit (Kosovë) më 25 shtator 1959. Pas disa muajsh nga kjo datë familja e tij u shpërngul në Shkup, ku kreu shkollimin fillor, të mesëm dhe Fakultetin Filologjik – dega Gjuhë Shqipe e Letërsi. Qysh nga fëmijëria e tij shkruante poezi dhe i botonte në gazetat e shkollës dhe revistat e njohura letrare “Gëzimi” e “Fatosi” në Shkup.

Pati një jetë të bujshme. Si student ra në sy të organeve të ndjekjes në Shkup dhe familja e tij u bë objekt i bastisjeve të shumta policore, kurse vet shpesh thirrej në bisedë informative të policisë. Edhe gjatë shërbimit ushtarak jugosllav në Lubjanë pati krajata të pakëndshme, sa edhe e paraburgosën në kazermën e këtij qyteti për shkak të “tubimit të shqiptarëve”.

Në vitin 1998 policia maqedonase e ndaloi në pikën kufitare në Bllacë dhe pas 32 orësh izolim, e deportoi në Kosovë, duke e shpallur “person non gratta” për Maqedoninë dhe që 6 vjet e gjysmë nuk ia lejoi hyrjen në Maqedoni te shtëpia e familja e tij që i ka atje.

Fadil Curri pas diplomimit punoi kryeredaktor i gazetës “Sharri” në Han të Elezit, drejtor për kulturë në Kaçanik, kurse vitet e fundit është mësimdhënës i gjuhës shqipe e letërsisë.

Si gazetar i furnizonte faqet e letrare e informative të “Shkëndijës”, “Rilindjes” e “Flakës” së Prishtinës e Shkupit. Në kohën e komunizmit ballanik, agjencia shqiptare ATSH ia ripublikonte tekstet në gazetat, revistat e RTV e saja edhe në gjuhët e huaja, ku bënin fjalë për shtypjen e shqiptarëve në Jugosllavi.

Me pikëpamjet e veta publicistike në opinion njihet si demaskues i padrejtësive ndaj shqiptareve, sidomos në Maqedoni, qoftë përmes shkrimeve në gazeta e libra, qoftë përmes intervistave e komenteve të shumta nëpër gazeta, radio e televizion, kohët e fundit edhe në faqet sociale të internetit. Për këto qëndrime njihet që mbi gjysmë shekulli jeton në Shkup e që nuk i lejohet shtetësia e Maqedonisë. Bile, vitet e fundit policia maqedonase me vendim zyrtar ia refuzoi dhënien e shtetësisë, duke u arsyetuar profetikisht se “ Fadil Curri do ta rrezikojë Maqedoninë”, madje edhe duke ndërmarrë dis padi gjyqësore ndaj tij.

Në fushën letrare, Fadil Curri është autor i dhjetë librave të botuar, redaktor, recensent e lektor i dhjetëra librave letrarë e shkencorë. Deri sot ka këtë opus të publikuar libror:
A(H) FATI(H) ËNË NË PESHOJË” (Përmbledhje tekstesh udhëtimi nga Belgjika e Gjermania, biseda e shënime me të burgosur e të padrejtësuar dhe krimin në Bllacë të Shkupit nga çetnikët e komunistët), “KOHË QORRE – A BLIND TIME” (tufë poezish në shqip e anglisht), “KRONIKË PËR NJË DASHURI” (roman me dy botime), “MUZAT E HANPENCIT” (panoramë letrare shkollore e Hanit të Elezit), “TREGIME PËR FËMIJË” (përmbledhje tregimesh për fëmijë), “RINJOJA PAS VDEKJES NË… KOSOVË” (roman, vazhdim tematik i “Kronikë për një dashuri”), “KËSHTU MENDONTE, FLISTE E SHKRUANTE ADEM KASTRATI” (autobiografi dhe shkrime të tjera), “ATY KU U KALITËN KAMPIONËT” (monografi e historisë së mundjes në Han të Elezit), “ARKA E THESAREVE” (dramë e inskenuar dhe e shpërblyen në Festivalin dramatik të shkollave të Kosovës në Skenderaj, pastaj e botuar si libër), “HANI I ELEZIT LEKSIKOR ME FRAZEOLOGJI” (fjalë të shënuara nga kjo anë). “PALLË KRITIKE MBI QEPALLËN AGONIKE”, SHB “Shkupi”, Shkup 2015.

Fadil Curri ka marrë pjesë në shumë organizime letrare anekënd Shqiptarisë, ka marrë pjesë në disa takime e karvane shkrimtarësh në Kosovë e Maqedoni, debate shkencore, ka qenë pjesëmarrës në shumë konkurse letrare, nga juritë e të cilëve edhe është shpërblyer disa herë. Ishte edhe botues i revistës “E vërteta” në Shkup e Tetovë, Kaçanik e Han të Elezit. (INA)

TË FUNDIT
2 orë
Zjarr në burgun e Idrizovës, katër gardian përfundojnë në toksikologji
3 orë
Në UT u mbajt Simpoziumi V Shkencor “Gjurmë në kohë”
3 orë
Korrupsioni "pret" pyjet në Maqedoninë e Veriut
4 orë
Mickoski: Ahmetit, që më nënvlerësonte, do t’i japë leksione politike
5 orë
Memeti ende nuk ka dalë para gjykatësit hetues – Profili i tij ndër më i larti i një juristi në Maqedoni të Veriut

ME TE LEXUARA

1 ditë
Shoferi 32 vjeç nga Kërçova humbi jetën në aksident trafiku
7 orë
VLEN me 5 ministri dhe 2 zëvendëskryeministra
1 ditë
Për 2€ më lirë shporta e konsumit në muajin maj
4 orë
Mickoski: Ahmetit, që më nënvlerësonte, do t’i japë leksione politike
22 orë
Pacienti nga Kosova erdhi në Shkup për ta operuar këmbën e majtë, por ia operuan të djathtën (VIDEO)
1 ditë
Trupi i pajetë i një burri është nxjerrë nga Vardari në afërsi të Urës së Gurit, për momentin nuk dihet identiteti i tij
7 orë
OEMVP mbështet kandidaturën e Muharrem Salihut për Parlamentin Evropian
1 ditë
Lupço Palevski Pallço, sot para gjykatës për vrasjen e dyfishtë
3 orë
Korrupsioni "pret" pyjet në Maqedoninë e Veriut

LEXO MË SHUMË

burgu-idrizove

Zjarr në burgun e Idrizovës, katër gardian përfundojnë në toksikologji

0-ballina-2-1

Në UT u mbajt Simpoziumi V Shkencor “Gjurmë në kohë”

pyje

Korrupsioni “pret” pyjet në Maqedoninë e Veriut

hristijan mickoski

Mickoski: Ahmetit, që më nënvlerësonte, do t’i japë leksione politike

ixhet memeti

Memeti ende nuk ka dalë para gjykatësit hetues – Profili i tij ndër më i larti i një juristi në Maqedoni të Veriut

fature-market

Vazhdon abuzimi me çmimet, kryesisht në produktet ushqimore

merko ramiz

Një vit pasi u vendos në listën e zezë, Ramiz Merko u paraqit në gjykatë

bilall kasami stadium

Stadiumi i Tetovës/Kasami: Vendimi i Qeverisë për ndaljen e punimeve, ‘urdhër’ nga Grubi

denari-756x420-696x387-1

Paga mesatare neto në mars 40.496 denarë

INFO

NA NDIQ